عالمی کپ کے وارم اپ میچ میں آج بھارت اور نیوزی لینڈ کے مابین مقابلہ ہوگا۔
بھارت اور نیوزی لینڈ کے درمیان ہونے والے پریکٹس میچ میں بھارت کی جانب سے وراٹ کوہلی کپتان ہوں گے تو نیوزی لینڈ کی کمان کین ولیمسن کے ہاتھوں میں ہوگی۔
میچ دوپہر تین بجے اوول اسٹیڈیم میں کھیلا جائے گا۔
پریکٹس میچ دونوں ٹیموں کے لیے اپنی تیاریوں کو پرکھنے کا موقع ہوگا اور اس سے پتہ چلے گا کی ان کی تیاریاں کتنی ہوئی ہیں اور ان میں کیا کمی ہے۔
اس میچ میں بھارت کو نمبر چار کے بلے باز کے تعلق سے جاری تذبذب سے راحت ملنے کی امید ہے۔
بھارتی ٹیم کے ہیڈ کوچ روی شاستری نے پہلے ہی کہا تھا کہ ٹیم کے پاس اس نمبر کے لیے بہت سے اختیارات ہیں ایسے میں دیکھنا ہوگا کہ کون اس ذمہ داری کو سنبھالے گا۔
اہم میچوں کے آغاز سے پہلے پریکٹس میچ ہونے سے ٹیموں کو انگلینڈ کے ماحول میں اپنے آپ کو ڈھالنے کا موقع ہے۔