کئی دنوں سے جاری مسلسل گہما گہمی کے بعد بلآخر پاکستان کرکٹ ٹیم آج لاہور سے مانچسٹر پہنچ گئی ہے۔
انگلینڈ دورے سے عین قبل پاکستانی کرکٹر کے کورونا ٹیسٹ مثبت آنے سے یہ دورہ ملتوی ہوتا دکھائی دے رہا تھا تا ہم اب ان کھلاڑیوں کے دوسرے کورونا ٹیسٹ منفی آنے کے بعد اب 20 رکنی پاکستانی ٹیم انگلینڈ پہنچ گئی ہے جبکہ ٹیم کے ساتھ 11 اسٹاف ممبران بھی انگلینڈ پہنچ گئے ہی۔
پاکستانی ٹیم کو چارٹرڈ طیارے سے پہنچی ہے۔
واضح رہے کہ گزشتہ روز پاکستانی کرکٹ ٹیم کے 10 کھلاڑیوں کا کورونا ٹیسٹ مثبت آیا تھا جس کے بعد اس سیریز پر ملتوی ہونے کے بادل منڈلانے لگے تھے لیکن کھلاڑیوں کا جب دوبارہ کورونا ٹیسٹ کروایا گیا تو 6 کھلاڑیوں کی رپورٹ منفی آئی جس سے سیریز کے راستے صاف ہوگئے۔
تا ہم ابھی ان کھلاڑیوں کو انگلینڈ روانہ نہیں کیا گیا ہے بلکہ ان تمام کا مزید ایک ٹیسٹ ہوگا جس کے بعد ان کی رپورٹ کے مطابق انہیں ٹیم میں شامل ہونے یا نہ ہونے کی اجازت دی جائے گی۔
دوسری جانب انگلینڈ پہنچی 20 رکنی پاکستانی ٹیم 14 دن کوارنٹین رہے گی تاہم انہیں پریکٹس کرنے کی اجازت ہوگی۔