بھارتی ٹیم فینٹیسی اسپورٹس پلیٹ فارمز میں سے ایک مائي ٹيم 11 نے کل 10،000 لوگوں کے سیمپل کو لیتے ہوئے ایک سروے کا اہتمام کیا۔یہ ملک کا پہلا ایسا سروے تھا جس میں فینس کی کھیل کی واپسی کے تئیں دماغی حالت کا تاثر مل پایا ہے اور اسپورٹس کاروبار پر کیا اثر پڑے گا اس کا بھی ایک اندازہ لگ گیا ہے۔
بیشتر لوگوں کو آئی پی ایل کی 2020 کے انعقاد کی امید کورونا وائرس کے سبب دنیا کے سب سے بڑے کھیل ایوینٹ یعنی ٹوکیو اولمپک کو2021 تک ملتوی کر دیا گیا ہے اور اسی واقعہ نے کسی بھی قسم کے کھیل کی واپسی پر بہت سارے سوال کھڑے کر دیے ہیں۔دنیا کے لئے جیسے اولمپک ہے ویسے ہی ہندستان کے لئے آئی پی ایل ہے۔
اس سروے کے اہم نتائج کے طور پر ایک ہی نتیجہ نکل کر آیا ہے کہ اب بھی 60 فیصد ہندوستانی کرکٹ فینس یہ امید لگائے بیٹھے ہیں کہ 2020 میں آئی پی ایل کا انعقاد ممکن ہے،
لیکن کب، اس پر سروے میں بھی اختلاف دکھائی دیا ۔ 40 فیصد لوگوں نے یہ صاف طور سے تسلیم کیا کہ آئی پی ایل کا انعقاد 2020 میں بہت مشکل لگتا ہے۔
اسی سروے کے دوسرے اہم نتیجہ میں یہ بات بھی سامنے آئی ہے کہ تقریبا 40 فیصد لوگ کورونا وائرس کے ڈر سے 2021 سے پہلے اسٹیڈیم میں جانے سے کترا رہے ہیں۔جس میں یہ بھی اشارہ ہے کہ لوگ اب ان کے گیجٹ یا ٹی وی سیٹ پر کھیل کود سے لطف اندوز ہونا زیادہ پسند کریں گے جب تک اس عالمی وبا کا کارگرعلاج نہیں نکل کر آتا۔
بیشتر لوگوں کو آئی پی ایل کی 2020 کے انعقاد کی امید کرکٹ کا مهاسنگرام کہے جانے والے آئی پی ایل 29 مارچ سے شروع ہونا تھا لیکن ملک بھر میں لاک ڈاؤن کی وجہ سے اسے غیر معینہ وقت کے لئے ملتوی کر دیا گیا ہے۔ابھی 2020 میں ٹورنامنٹ کو منعقد کرنے کے لئے صرف دو ونڈو دستیاب ہیں جو ستمبر سے لے کر نومبر تک ہو سکتی ہیں۔
ستمبر میں ایشیا کپ ٹی -20 کی فارمیٹ میں منعقد ہونا ہے جبکہ اکتوبر نومبر میں آسٹریلیا میں ٹی -20 ورلڈ کپ کا انعقاد ہونا ہے۔ اگر ورلڈ کپ کا انعقاد ٹلتا ہے تو شائقین کے بغیر آئی پی ایل کے انعقاد کے بارے میں سوچا جا سکتا ہے۔
