نیوزی لینڈ خواتین کرکٹ ٹیم کی کپتان سوفی ڈوائین پیر کو بھارت کی اسٹار کھلاڑی متالی راج کا ریکارڈ توڑ کر ٹی -20 میں مسلسل پانچ میچوں میں 50 رنز سے زیادہ اسکور کرنے والی کھلاڑی بن گئیں ۔
سوفی ڈوائین نے جنوبی افریقہ کے خلاف ٹی -20 میچ میں یہ کامیابی حاصل کی۔ دائیں ہاتھ کی بلے باز سوفی ڈوائین اس کے ساتھ ہی نیوزی لینڈ کی دوسری خاتون کرکٹر بن گئی ہیں
جنہوں نے ٹوئنٹی -20 میں سنچری لگائی ہے۔ انہوں نے جنوبی افریقہ کے خلاف چوتھے ٹی -20 میچ میں 65 گیندوں میں 12 چوکے اور تین چھکے لگا کر 105 رنز کی سنچری بنائی جس سے کیوی ٹیم نے 69 رنز سے کامیابی حاصل کی۔
سوفی نے آکلینڈ کے خلاف ویلنگٹن کے لئے کھیلتے ہوئے 54 رنز بنائے تھے جس کے بعد انہوں نے جنوبی افریقہ کے خلاف ماؤنٹ موگاني میں ناٹ آوٹ 54، هیملٹن میں 61، ویلنگٹن میں 77 اور 105 رنز بنائے۔
