آئی پی ایل میں کھیلنے کے لیے مستفیض الرحمان کو مل سکتا ہے این او سی

بنگلہ دیش کے تیزگیند باز مستفیض الرحمان اگر بنگلہ دیش کرکٹ بورڈ سے درخواست کرتے ہیں تو انہیں آئی پی ایل کے 14 ویں سیشن میں کھیلنے کے لیے این او سی مل سکتا ہے۔

بنگلہ دیش کے آل راونڈر شکیب الحسن کو آئی پی ایل میں کھیلنے کے لیے سری لنکا کے خلاف ٹسٹ سیریز چھوڑنے کی اجازت مل گئی ہے۔

بنگلہ دیش کرکٹ بورڈ کے کرکٹ آپریشنز کے صدر اکرم خاں نے کہا کہ جب شکیب کو این او سی دیا گیا تو مستفیض الرحمان کے ساتھ بھی ویسا ہی رویہ اختیار کیا جائے گا۔ لیکن اس کے لیے مستفیض کو شکیب کی طرح درخواست دینی ہوگی۔

راجستھان رائلس نے مستفیض کو جمعرات کے روز چنئی میں نیلامی میں ان کے ایک کروڑ روپے کے بیس پرائے پر خریدا تھا۔ اکرم نے کہا جو بھی درخواست دے گا اسے این او سی دیا جائے گا کیونکہ جو ملک کے لیے نہیں کھیلنا چاہتا ہے اسے روکنے کا کوئی فائدہ نہیں ۔