آئی پی ایل: مستفیض کواین او سی نہیں ملی

بنگلہ دیش کرکٹ بورڈ (بی سی بی) نے اپنے تیز گیندباز مصتفیض الرحمٰن کو انڈین پریمیر لیگ کے 13 ویں سیزن میں کھیلنے کی اجازت دینے پر نو آبجیکشن سرٹیفکٹ (این او سی) دینے سے انکار کردیا ہے۔

ای ایس پی این کرک انفو کی رپورٹ کے مطابق بی سی بی کے کرکٹ آپریشنز کے چیئرمین اکرم خان نے کہا کہ بنگلہ دیش اکتوبر اور نومبر میں سری لنکا کا دورہ کرے گا اور اسی بات کو مدنظر رکھتے ہوئے مصتفیض کو آئی پی ایل 13 میں کھیلنے کے لیے این او سی دینے سے انکار کیا گیا ہے۔

خان نے مزید کہا کہ 'مستفیض کو آئی پی ایل میں کھیلنے کی پیش کش کی گئی تھی لیکن ہم نے انہیں این او سی نہیں دیا۔ وہ ہمارے لیے ایک اہم کھلاڑی ہیں اور آئندہ سیریز بھی ہمارے لیے اہم ہے۔ بنگلہ دیش کی ٹیم کو ابھی سری لنکا کا دورہ کرنا ہے۔'

بنگلہ دیش 3 اکتوبر سے ٹیسٹ میچوں کی سیریز کے لیے اکتوبر۔نومبر میں سری لنکا کا دورہ کرنے والا ہے۔ یہ سیریز 24 اکتوبر سے شروع ہوگی اور اسی وقت آئی پی ایل متحدہ عرب امارات میں کھیلے جائیں گے۔ آئی پی ایل کا 13 واں سیزن 19 ستمبر سے شروع ہوگا۔

مستفیض نے 2018 میں آئی پی ایل میں ممبئی انڈینز کے لیے کھیلا تھا۔ انہوں نے سات میچوں میں اتنی ہی وکٹیں حاصل کی تھیں۔ اس سے پہلے 2016 اور 2017 میں ، وہ سن رائزرس حیدرآباد ٹیم کا حصہ تھے۔