انگلینڈ کرکٹر معین علی نے کہا کہ ان کی ٹیم ٹی 20 سیریز سے قبل بھرپور تیاریوں میں مصروف ہےاور مہمان ٹیم کے خلاف ٹیسٹ سیریز میں کامیابی کے باوجود ٹی 20 سیریز کو غیر اہم نہیں مانیں گے۔
معین علی نے کہا کہ ٹیم میں ایسے کھلاڑی موجود ہیں جو کسی بھی وقت میچ کا پانسہ پلٹنے کی بھرپور صلاحیت رکھتے ہیں۔
اپنے ایک بیان میں انہوں نے کہا کہ وہ پاکستان کے خلاف ابتدائی ٹی 20 میچ میں شاندار کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کریں گے۔
معین علی نے مزید کہا کہ وہ مکمل طور پر فٹ ہیں اور پاکستان کے خلاف تین میچوں کی سیریز کے پہلے میچ میں شرکت کے لئے بے تاب ہیں۔ انہوں نے کہا کہ حریف ٹیم کے خلاف سیریز میں کامیابی کے لئے ٹیم کو تینوں شعبوں میں سو فیصد کارکردگی کا مظاہرہ کرنا ہوگا۔