'سمیع کی کارکردگی پہلے سے بہتر ہوئی ہے'

انگلینڈ میں جاری عالمی کپ میں بھارتی ٹیم کے تیز گیند باز محمد سمیع کے کوچ بدرالدین صدیقی نے کہا کہ سمیع کی کارکردگی دن بدن بہتر ہوتی جا رہی ہے۔

عالمی کپ میں محمد سمیع اب تک 3 میچوں میں 13 وکٹیں لے چکے ہیں اور ٹیم کے سب سے کامیاب گیند باز ہیں۔

سمیع کے کوچ بدرالدین صدیقی نے کہا کہ سمیع نے اپنی لائن اور لینتھ میں کافی سدھار کیا ہے اسی لیے بلے بازوں کے لیے ان کی گیند کھیلنا دشوار ہوتا ہے۔

واضح رہے کہ محمد سمیع کو زخمی بھونیشور کمار کی جگہ ٹیم میں شامل کیا گیا ہے، اور سمیع نے گزشتہ روز انگلینڈ کے خلاف میچ میں 5 وکٹیں حاصل کی تھیں، جبکہ اس سے قبل دو میچوں میں چار چار وکٹیں لے چکے ہیں جس میں افغانستان کے خلاف میچ میں ہیٹ ٹرک بھی شامل ہے۔