عادل رشید اور معین علی کی عمدہ مثال

ورلڈ کپ چیمپیئن بننے کے بعد انگلینڈ کی ٹیم نے روایتی طور پر معروف شراب 'شیمپئن' کے ساتھ جشن منایا لیکن ٹیم کے دو مسلم کھلاڑی معین علی اور عادل رشید اس تقریب میں شامل نہیں ہوئے۔

معین علی اور عادل رشید اسلامی شریعہ کے پابند ہیں اس لیے انہوں نے ٹیم کے دیگر ساتھیوں کے ساتھ شراب کے جشن کے دوران خود کو الگ کرلیا اور اسلامی تشخص کی مثال پیش کی۔
برطانوی کپتان این مورگن کے ورلڈ کپ ٹرافی اٹھاتے ہی ساتھی کھلاڑیوں نے شراب ایک دوسرے پر ڈالنا شروع کردیا۔

شراب سے بچنے کے لیے مسلمان کھلاڑی عادل رشید اور معین علی جشن مناتی انگلش ٹیم کو چھوڑ کر پوڈیم سے نیچے اتر گئے ۔

اس سے پہلے بھی معین علی اور عادل رشید نے انگلینڈ کی کئی اہم سیریز جیتنے کے بعد شراب کے ساتھ جشن منانے کی تقریب درمیان میں ہی چھوڑ کر چلے گیے تھے۔