ولیمسن ایک عالمی کپ میں سب سے زیادہ رنز بنانے والے کپتان بن گئے ہیں۔
انہوں نے فائنل میں 30 رنز کی اننگز کھیلی۔
ولیمسن بطور کپتان فائنل سے پہلے ایک ورلڈ کپ میں سب سے زیادہ رنز کے معاملے میں جے وردھنے کی برابری پر تھے۔
کین ولیمسن کا سنگ میل - نیوزی لینڈ
نیوزی لینڈ کے کپتان کین ولیمسن نے ورلڈ کپ 2019 کے فائنل مقابلے میں انگلینڈ کے خلاف اپنا پہلا رن بنانے کے ساتھ ہی ایک عالمی ریکارڈ اپنے نام کر لیا ہے۔
کین ولیمسن کا سنگ میل
اسی کے ساتھ ہی ولیمسن ایک عالمی کپ میں 500 سے زائد رنز بنانے والے چار کپتانوں میں سرفہرست مقام پر پہنچ گئے ہیں، اس سے قبل سری لنکا کے سابق کپتان مہیلا جے وردھنے نے سنہ 2007 کے عالمی کپ میں 548 رنز بنائے تھے لیکن اب ولیمسن نے انہیں پیچھے چھوڑ دیا ہے۔
اس کے علاوہ آسٹریلیا کے سابق کپتان رکی پونٹنگ نے بھی سنہ 2007 کے ہی عالمی کپ میں 539 رنز جبکہ آسٹریلیا کے ہی کپتان ارون فنچ نے رواں عالمی کپ میں 507 رنز بنائے ہیں۔