مائیک ہیسن اور سائمن کیٹچ رائل چیلینجرز بنگلور سے منسلک

انڈین پریمیئر لیگ فریچائزی ٹیم رائل چیلینجرز بنگلور نے نیوزی لیند کے سابق کرکٹر مائیک ہیسن کو ڈائیریکٹر اور آسٹریلیا کے سابق کھلاڑی سائمن کیٹچ کو چیف کوچ کے عہدے کے لیے ٹیم سے منسلک کیا ہے۔

بھارتی کرکٹ ٹیم کے کوچ کے عہدے کے لیے نظر انداز کئے گئے نیوزی لینڈ کے سابق کوچ مائیک ہیسن آئی پی ایل فرنچائزی رائل چیلنجرز بنگلور کے ڈائیریکٹر اور آسٹریلیا کے سابق بلے باز سائمن کیٹچ ٹیم کے چیف کوچ بنائے گئے ہیں۔

مائیک ہیسن، بشکریہ ٹویٹر

کیٹچ رائل چیلنجر بنگلور (آرسی بی) کے سابق کوچ گیری کرسٹن کی جگہ لیں گے جبکہ آرسی بی نے پہلی بار کرکٹ آپریشن ڈائریکٹر مقرر کیا ہے جس کی کمان مائیک ہیسن کو سونپی گئی ہے۔

آئی پی ایل کے گزشتہ دو سیزن میں مایوس کن کارکردگی کے بعد رائل چیلینجرز بنگلور ٹیم انتظامیہ نے یہ فیصلہ لیا ہے۔

سائمن کیٹچ، بشکریہ ٹویٹر

اس کے علاوہ ہیسن آرسی بی مینجمنٹ کا بھی حصہ ہوں گے اور کھلاڑیوں اور معاون اسٹاف کے ساتھ کام کریں گے۔

ہیسن اس سے قبل بھارت کی قومی کرکٹ ٹیم کے چیف کوچ کی دوڑ میں شامل تھے لیکن روی شاستری ان کو پیچھے چھوڑ کر کوچ بنائے گئے تھے۔

ہیسن آئی پی ایل کے گزشتہ سیزن میں کنگز الیون پنجاب کے کوچ تھے، اس کے علاوہ وہ کولکاتا نائٹ رائڈرز کے اسسٹنٹ کوچ بھی رہ چکے ہیں۔