کرکٹ ہمیشہ سے جینٹل مینز کا کھیل کہا جاتا رہا ہے، سچن تیندولکر اور راہل دراوڈ نے اسے متعدد مرتبہ ثابت بھی کیا ہے لیکن ایک دن اس کھیل میں ایک ایسے کھلاڑی کی آمد ہوئی جس نے اس کھیل کو اسٹائیلش گیم بنا دیا۔
جی ہاں! وہ نام کوئی اور نہیں بلکہ بھارتی کرکٹ ٹیم کے آل راؤنڈر کھلاڑی ہاردک پانڈیا کا ہے۔
ہاردک پانڈیا کا شاہی انداز ہاردک پانڈیا اپنے شاہانہ لائف اسٹائیل کے لیے مشہور ہیں جس کا نظارہ گزشتہ روز ممبئی ایئر پورٹ پر دیکھنے کو ملا، پانڈیا کے ہاتھوں میں جو گھڑی تھی اس کی قیمت ہزاروں یا لاکھوں میں نہیں بلکہ ایک کروڑ روپے ہے۔
چھبیس برس کے ہاردک پانڈیا کی یہ مہنگی گھڑی پاٹیک فلپ برانڈ کی ہے جو ان کا پسندیدہ برانڈ ہے جبکہ ان کے پاس اس طرح کی برانڈیڈ گھڑیوں کا کلیکشن ہے۔
ہاردک پانڈیا کا شاہی انداز اتنا ہی نہیں ایئر پورٹ پر ہاردک کے جوتے بھی سب کو اپنی جانب متوجہ کر رہے تھے، کالے رنگ کے اسپائیکی جوتے پر سلور کلر سے اسپائیکس بنے ہوئے تھے، ان جوتوں کی قیمت بھی عام جوتوں جیسی نہیں ہے بلکہ اس کی قیمت 995 ڈالر یعنی 71 ہزار روپے ہے۔
واضح رہے کہ ہاردک پانڈیا کا شمار بھارتی کرکٹ ٹیم کے اہم کھلاڑیوں میں ہوتا ہے، وہ بلے اور گیند دونوں سے ٹیم کے لیے خدمات انجام دیتے ہیں۔
ہاردک پانڈیا اپنے بھائی کرونال پانڈیا کے ساتھ فی الحال ہاردک پانڈیا فٹنیس اور پیٹھ کی سرجری کے باعث میدان سے باہر ہیں، جبکہ انہوں نے حال ہی میں ماڈل اور اداکارہ نتاشا استانکووک سے منگنی کی ہے جس کی تصاویر انہوں نے خود سوشل میڈیا پر شیئر کی تھی۔
بھارتی کرکٹ ٹیم فی الحال نیوزی لینڈ کے دورے پر ہے لیکن پانڈیا ٹیم کا حصہ نہیں ہیں۔
