سمنس اور ڈیرن براو کی شاندار بلے بازی کی بدولت ایک مرتبہ پھر ٹرن باگو نائٹ رائیڈرز نے کیریبین پریمیئر لیگ کا خطاب جیت لیا ہے۔
سنہ 2015، 2017 اور 2018 کے بعد ٹی کے آر کا یہ چوتھا سی پی ایل خطاب ہے۔
برائن لارا کرکٹ اسٹیڈیم میں جمعرات کو کھیلے گئے فائنل مقابلے میں سینٹ لوسیا جوکس کو 8 وکٹ سے شکست دی۔
میچ میں پہلے بلے بازی کرتے ہوئے ڈیرن سیمی کی ٹیم 155 رنز پر آل آؤٹ ہوگئی ۔جوکس کی جانب سے وکٹ کیپر بلے باز آندر فلیچر نے سب سے زیادہ 39 رن بنائے، وہیں نائٹ رائیڈرز کے کپتان پولارڈ نے 4 وکٹز حاصل کیے۔
نائٹ رائیڈرز کے بلے بازوں نے شاندار بلے بازی کرتے ہوئے ہدف کو عبور کیا، نائٹ رائیڈرز نے دو وکٹ کے نقصان پر 18.1 اوورز میں جیت اپنے نام کرلی۔
سلامی بلے باز لینڈل سمنس نے فائنل میچ میں 84 رن، ڈیرن براو نے 58 رن بنائے۔
سیمنس کو ان کی بلے بازی کے لیے ' پلیئر آف دی میچ' کا خطاب ملا، وہیں کہ کپتان کیرون پولارڈ کو ٹورنامنٹ کے دوران ان کی آل راؤنڈر کارکردگی کے لیے انہیں پلیئر آف دا ٹورنامنٹ منتخب کیا گیا۔
