زخمی کھلاڑی کی عالمی کپ ٹیم میں واپسی

عالمی کپ کے لیے بھارتی ٹیم میں شامل آل راؤنڈر کیدار جادھو کو فِٹ قرار دیا گیا ہے اور وہ 22 مئی کو ٹیم کے ساتھ انگلینڈ روانہ ہوں گے۔

آئی پی ایل کے دوران کیدار جادھو کو کندھے میں چوٹ لگی تھی اور وہ ٹورنامنٹ سے باہر ہو گئے تھے۔

ڈاکٹر کی نگرانی میں جادھو چوٹ سے ابھر رہے ہیں اور ان کی فٹنیس رپورٹ میں بھی انہیں تندرست قرار دیا گیا ہے جس کے بعد جادھو کا عالمی کپ میں کھیلنا طئے مانا جا رہا ہے۔

حالاںکہ ابھی تک یہ بات واضح نہیں ہو سکی ہے کہ کیدار جادھو پریکٹس میچ میں شرکت کریں گے یا نہیں لیکن وہ ٹیم کے ساتھ ہی لندن روانہ ہوں گے۔

بھارت کا 25 مئی کو نیوزی لینڈ سے اور 28 مئی کو بنگلہ دیش سے پریکٹس میچ ہوگا۔