ولیمسن نے ایک مرتبہ پھر شائقین کا دل جیت لیا

نیوزی لینڈ کرکٹ ٹیم کے کپتان کین ولیمسن کے رویہ کی ہر جگہ تعریفیں ہوتی رہتی ہیں، جبکہ انہوں نے گزشتہ روز ایک مرتبہ پھر سے کرکٹ مداحوں کا دل جیت لیا۔

نیوزی لینڈ کرکٹ ٹیم فی الحال سری لنکا کے دورے پر ہے جہاں وہ میزبان سے دو ٹیسٹ اور تین یک روزہ میچ کھیلے گی جبکہ ٹیسٹ سیریز سے قبل کیوی ٹیم نے سری لنکا بورڈ پریزیڈنٹ الیون کے خلاف میچ کھیلا جو ڈرا ہوگیا۔

سری لنکا بورڈ پریزیڈنٹ الیون کے خلاف میچ کو دوران نیوزی لینڈ کرکٹ ٹیم کے کپتان کین ولیمسن کے مداح اسٹیڈیم میں کیک لے کر پہنچے کیوں کہ اس دن ولیمسن کی سالگرہ تھی۔

کین نے ایک مرتبہ پھر سے اسپورٹس مین اسپرٹ کی مثال قائم کی اور مداحوں کے ساتھ کیک کاٹا۔

حالاںکہ ولیمسن اس وقت میدان پر فیلڈنگ کر رہے تھے لیکن وہ دوڑ کر کچھ دیر کے لیے اسٹینڈ میں گئے اور مداحوں کے ذریعے لایا گیا کیک کاٹا اور مداحوں کا بھی کھلایا۔

ولیمسن کے اس رویہ کی ہر جانب تعریفیں کی جا رہی ہے۔

واضح رہے کہ اس سے قبل بھی کین بھی ولیمسن کے رویہ کی تعریفیں ہوئی ہیں جب انہوں نے انگلینڈ میں منعقد ہونے والے یک روزہ عالمی کپ میں متعدد مرتبہ مخلاف ٹیموں کے ساتھ دوستانہ رویہ اپنایا تھا۔