بمراہ ٹیسٹ ٹیم سے باہر

بھارتی کرکٹ ٹیم کے تیز گیند باز جسپريت بمراه پیٹھ میں کھنچاؤ کی وجہ سے جنوبی افریقہ کے خلاف تین میچوں کی گاندھی۔منڈیلا ٹیسٹ سیریز سے باہر ہو گئے ہیں جبکہ ان کی جگہ امیش یادو کو ٹیم میں شامل کیا گیا ہے۔

بھارتی کرکٹ ٹیم کے یارکر مین کے نام سے مشہور جسپریت بمراہ زخمی ہونے کی وجہ سے جنوبی افریقہ کے خلاف ہونے والی ٹیسٹ سیریز کے اسکواڈ سے باہر ہوگئے ہیَ
جسپریت بمراه کی چوٹ کا انکشاف ریڈیولوجیکل اسکریننگ کے دوران ہوا، انہیں اب بنگلور میں واقع نیشنل کرکٹ اکیڈمی (این سی اے) میں بھارتی کرکٹ کنٹرول بورڈ (بی سی سی آئی) کی میڈیکل ٹیم کی نگرانی میں ریہیبی لٹیشن سے گزرنا ہوگا۔

بشکریہ ٹویٹر

بی سی سی آئی کے چیف سلیکٹر ایم ایس كے پرساد کی صدارت والی آل انڈیا سینیئر سلیکشن کمیٹی نے بمراه کی چوٹ کی وجہ سے اب ٹیسٹ ٹیم میں امیش یادو کو شامل کرنے کا فیصلہ کیا ہے۔

واضح رہے کہ امیش یادو نے اپنا آخری ٹیسٹ سنہ 2018 میں آسٹریلیا کے دورے پر کھیلا تھا۔

بمراه کا ٹیم سے باہر ہونا ٹیم کے لیے بڑا دھچکا ہے جو فی الحال اچھے فارم میں کھیل رہے تھے اور ویسٹ انڈیز کے دورے پر دو ٹیسٹ میچوں میں ہیٹ ٹرک سمیت 13 وکٹیں اپنے نام کی تھیں اور سب سے کامیاب گیندباز بنے تھے۔

طویل عرصے سے قومی ٹیم سے باہر چل رہے امیش کے علاوہ ٹیم میں تیز گیند بازی کی ذمہ داری محمد سمیع اور ایشانت شرما کے کندھوں پر رہے گی۔

امیش یادو نے اب تک 41 ٹیسٹ میچوں میں 33.47 کے اوسط سے 119 وکٹیں حاصل کی ہیں اور ان سے جنوبی افریقہ کے خلاف اچھی کارکردگی کی توقع رہے گی۔

بھارتی ٹیم میں بمراه، سمیع اور ایشانت کی تیز گیند بازی تکڑی کی کامیابی کے سبب امیش یادو کو گزشتہ کافی عرصے سے ٹیسٹ ٹیم سے باہر بیٹھنا پڑا تھا اور گزشتہ برس سے اب تک انہوں نے محض پانچ ٹیسٹ ہی کھیلے ہیں۔

اگرچہ اس دوران انہوں نے حیدرآباد میں ویسٹ انڈیز کے خلاف گھریلو سیریز کے میچ میں اپنے کیریئر کی بہترین کارکردگی کا مظاہرہ کرتے ہوئے 133 رنز پر 10 وکٹ حاصل کی تھی۔