بُمراہ یک روزہ سیریز سے بھی باہر ہوسکتے ہیں

بھارتی کرکٹ ٹیم کے تیز گیندباز جسپریت بُمراہ انگلینڈ کے خلاف یک روزہ سیریز سے باہر ہوسکتے ہیں۔

بُمراہ کو گذشتہ روز انگلینڈ کے خلاف تیسرے ٹیسٹ کے بعد ذاتی وجوہات کی بنا پر آخری میچ سے ٹیم سے ریلیز کردیا گیا اور اب ان کے ون ڈے سیریز سے بھی باہر رہنے کا خدشہ ظاہر کیا جا رہا ہے۔

انگلینڈ کے خلاف 5 میچوں کی ٹی 20 سیریز میں بُمراہ کو پہلے ہی آرام دیا گیا ہے۔ محدود اوورز کی کرکٹ سے بُمراہ کی عدم موجودگی سے ٹیم مینجمنٹ کو نئے کھلاڑیوں کو آزمانے کا موقع ملے گا۔

بھارت اور انگلینڈ کے مابین ٹی 20 سیریز 12 مارچ سے احمد آباد میں شروع ہوگی جبکہ یک روزہ سیریز 23 مارچ سے پونے میں بائیو ببل میں شائقین کی عدم موجودگی میں کھیلی جائے گی۔