گیندبازوں کی شاندار کارکردگی کے بعد سلامی بلے بازوں کی بہترین اننگز کی مدد سے چینئی سپر کنگز نے دہلی کو شکست دے کر فائنل میں جگہ بنائی ہے جہاں اس کا مقابلہ 12 مئی کو ممبئی انڈیئنز سے ہوگا۔
ٹاس جیت کر چینئی سپر کنگز نے دہلی کیپیٹلز کو بلے بازی کی دعوت دی تھی۔
چینئی کے گیندبازوں نے کپتان کو فیصلے کو درست ثابت کرتے ہوئے دہلی کے بلے بازوں کو کھل کر کھیلنے کا موقع نہیں دیا، اور دہلی کی ٹیم مقررہ 20 اوورز میں نو وکٹ کے نقصان پر 147 رنز بنائے۔
دہلی کی جانب سے رشبھ پنت نے سب سے زیادہ 38 رنز بنائے اس کے علاوہ کولن منرو نے 27، شکھر دھون نے 18 اور کپتان شریس ایر 13 رنز بنائے۔
چینئی کے لیے دیپک چہر، ہربھجن سنگھ اور ڈوین براوو نے دو دو وکٹ لیے جبکہ عمران طاہر نے ایک بلے باز کو پویلین کی راہ دکھائی۔
ہدف کا تعاقب کرنے اتری چینئی کی جانب سے سلامی بلے باز شین واٹسن اور فاف ڈو پلیسس نے بہترین بلے بازی کی اور دہلی کیپیٹلز کے گیندبازوں پر تابڑ توڑ حملے کیے۔
دہلی کو شکست دے کر چینئی فائنل میں داخل ان دونوں بلے بازوں نے نصف سنچری بنائی اور ٹیم کو مضبوط شروعات فراہم کی۔
ڈو پلیسس نے 39 گیندوں میں سات چوکوں اور ایک چھکے کی مدد سے 50 رنز بنائے اور ٹرینٹ بولٹ کی گیند پر کیمو پال کو کیچ تھما بیٹھے، جبکہ شین واٹسن نے 32 گیندوں میں تین چوکے اور چار چھکوں کی مدد سے 50 رنز بنائے اور امیت مشرا کا شکار بنے، لیکن تب تک وہ ٹیم کو جیت کی دہلیز پر پہنچا چکے تھے۔
ان دونوں بلے بازوں کے علاوہ امباتی رائیڈو نے 20، سریش رائنا نے 11 اور کپتان دھونی نے 9 رنز بنائے۔
دہلی کی جانب سے ٹرینٹ بولٹ، ایشانت شرما، اکشر پٹیل اور امیت مشرا نے ایک ایک وکٹ حاصل کیے۔
اس جیت کے ساتھ چینئی سپر کنگز نے ریکارڈ آٹھویں مرتبہ آئی پی ایل کے فائنل میں جگہ بنائی ہے۔
