کورونا سے لڑنے کے لئے بھارتی مرد کرکٹ ٹیم کے کھلاڑیوں کے ساتھ ساتھ خواتین کھلاڑی بھی سامنے آ رہی ہیں اور حکومت کو ہر ممکن مدد دینے کا اعلان کر رہی ہیں۔ اسی سلسلےمیں متالی نے بھی اپنا تعاون دینے کا اعلان کیا ہے۔
بھارتی خاتون ون ڈے ٹیم کی کپتان متالی راج نے ٹویٹ کر کے کہا کہ ہم سب کو کورونا سے لڑنے کے لئے متحد ہونے کی ضرورت ہے۔ میں اس کے لئے وزیر اعظم کیئر فنڈ میں پانچ لاکھ اور تلنگانہ وزیراعلی راحت فنڈ میں پانچ لاکھ روپے دیتی ہوں۔
واضح رہے کہ دنیا کے تقریبا بیشتر ممالک میں پھیل چکے کورونا وائرس (کووڈ 19) رکنے کا نام نہیں لے رہا ہے اور اس خطرناک وائرس سے دنیا بھر میں اب تک 37519 لوگوں کی موت ہو چکی ہے جبکہ تقریبا 781656 افراد اس سے متاثر ہیں۔
بھارت میں بھی کورونا وائرس پھیلتا جا رہا ہے اور ملک میں مجموعی کورونا وائرس کے 180 نئے کیس سامنے آنے کے بعد اس کے متاثرین کی تعداد بڑھ کر 1251 ہو گئی ہے
جبکہ تین اور مریضوں کی موت ہونے کے بعد مرنے والوں کی تعداد 32 ہو گئی ہے ۔وزارت صحت نے پیر کو بتایا کہ ملک میں کورونا وائرس کے 1251 کیسزکی تصدیق ہو چکی ہے۔