بھارتی ٹیم کے یونیفارم میں تبدیلی

انگلینڈ اینڈ ویلز میں جاری عالمی کپ ٹورنامنٹ میں بھارتی ٹیم جب 30 جون کو انگلینڈ کے خلاف میدان پر اترے گی تو اس کی ٹی شرٹ کا رنگ نیلا نہیں ہوگا۔

بھارت اور انگلینڈ، دونوں ٹیموں کا یونیفارم نیلے رنگ کا ہے اور ان دونوں ٹیموں کا یونیفارم ایک جیسا نا ہو اسی لیے بھارتی ٹیم کی ٹی شرٹ کا رنگ ایک میچ کے لیے تبدیل کیا گیا ہے۔

آئی سی سی قوانین کے مطابق میزبان ٹیم کو اپنی ٹی شرٹ کا رنگ برقرار رکھنا ہوتا ہے اسی لیے بھارتی ٹیم کے روایتی یونیفارم کا رنگ صرف ایک میچ کے لیے تبدیل کیا گیا ہے۔

بھارتی ٹیم جب 30 جون کو میدان پر اترے گی تو اس کی ٹی شرٹ کا رنگ آگے سے تو نیلا ہی ہوگا لیکن پیچھے سے اس کا رنگ آرینج ہوگا تا کہ دونوں ٹیموں کی یونیفارم مماثلت نا ہو۔