بھارت آسٹریلیا میچ کے دوران دیکھنے کو ملا یہ نظارہ، دیکھیں ویڈیو

آسٹریلیا اور بھارت کے مابین یک روزہ سیریز کے دوسرے میچ میں بھارتی اننگ کے دوران ایک بھارتی مرد مداح نے آسٹریلیائی خاتون مداح کے سامنے اپنے پیار کا اظہار کیا جس کا ویڈیو کرکٹ آسٹریلیا نے ٹویٹر کے ذریعے شیئر کیا ہے۔

آسٹریلیا اور بھارت کے مابین سڈنی کرکٹ گراؤنڈ میں کھیلے جارہے تین یک روزہ میچوں کی سیریز کے دوسرے میچ کے دوران اسٹیڈیم میں موجود ایک بھارتی مداح نے آسٹریلیائی خاتون مداح کے سامنے اپنے پیار کا اظہار کیا جس پر خاتون نے مثبت ردعمل کا اظہار کیا اور بھارتی مداح کے ذریعے پیش کی گئی انگوٹھی پہن لی۔

پیار کے اظہار کے اس خوبصورت لمحے کی ویڈیو انٹرنیٹ پر کافی وائرل ہو رہی ہے۔ یہ واقعہ اس وقت ہوا جب بھارتی ٹیم بلے بازی کرنے آئی تھی۔

یہ پہلا موقع نہیں ہے جب کوئی مداح اپنے معشوق کو دوران میچ اسٹیڈیم میں پیار کا اظہار کر رہا ہو اس سے قبل بھی کئی مرتبہ ایسا نظارہ دیکھنے کو مِل چکا ہے۔