'چند برسوں تک اسی صلاحیت کے مطابق کھیل سکتا ہوں'

بھارتی ٹیم کے کپتان وراٹ کوہلی کا خیال ہے کہ مصروف شیڈول کے درمیان باقاعدہ آرام کرنے سے انہیں بین الاقوامی کرکٹ کے تمام فارمیٹس کے علاوہ آئی پی ایل کھیلنے میں بھی مدد ملی ہے اور وہ اگلے دو تین سال تک اسی صلاحیت کے ساتھ کھیل سکتے ہیں۔

بھارتی کرکٹ ٹیم کے کپتان بوراٹ کوہلی نے یہاں نیوزی لینڈ کے خلاف جمعہ سے شروع ہونے والی دو میچوں کی ٹیسٹ سیریز سے پہلے بدھ کو صحافیوں سے یہ بات کہی۔انہوں نے کہاکہ میں گزشتہ آٹھ یا نو سال سے متواتر ایک سال میں تقریبا 300 دن کرکٹ کھیل رہا ہوں، جس میں سفر اور پریکٹس سیشن بھی شامل ہے۔

'چند برسوں تک اسی صلاحیت کے مطابق کھیل سکتا ہوں'

ہمیشہ آپ کو مکمل صلاحیت کے ساتھ کارکردگی کا مظاہرہ کرنا ہوتا ہے جس کا اثر قدرتی طور پر آپ پر پڑتا ہے۔ یہ اتنا آسان نہیں ہوتا۔

وراٹ نے کہا کہ کئی کھلاڑی اس بارے میں سوچتے ہیں۔ مصروف شیڈول کے باوجود ذاتی طور پر ہم باقاعدگی سے وقت نکال کر آرام کرتے ہیں۔ مستقبل قریب میں میرے علاوہ بہت سے دوسرے کھلاڑی جو کرکٹ کے تینوں فارمیٹس میں کھیل رہے ہیں ۔

وہ بھی ایسا طریقہ اپنا سکتے ہیں۔وراٹ نے کہاکہ کپتان کے طور پر آپ کو پریکٹس سیشن کے دوران مکمل صلاحیت کے ساتھ کھیل کے لئے حکمت عملی بنانی ہوتی ہے جس کا اثر آپ پر پڑتا ہے۔لہذا مصروف شیڈول کے درمیان باقاعدگی سے آرام کرنے سے مجھے بہتر کارکردگی کرنے میں مدد ملتی ہے۔

'چند برسوں تک اسی صلاحیت کے مطابق کھیل سکتا ہوں'

ہر وقت آپ کی جسمانی صلاحیت ایک جیسی نہیں رہتی ہے۔میں جب 34 یا 35 سال کا ہو جاؤں گا تو حالات کچھ اور ہوں گے، لیکن اگلے دو تین سالوں تک میں اسی صلاحیت کے ساتھ کھیل سکتا ہوں، مجھے کوئی پریشانی نہیں ہے۔

بھارتی کپتان نے کہاکہ میں اگلے دو تین سال تک اسی تال کے ساتھ کھیل سکتا ہوں اور ٹیم کو میری کافی ضرورت بھی ہے تاکہ ہم آسانی سے آنے والے تبدیلی کے دور سے گزر سکیں۔اس کے پیش نظر میں اگلے دو تین سال کے لئے خود کو تیار کر رہا ہوں۔

وراٹ بین الاقوامی سطح پر سب سے مصروف کرکٹروں میں سے ایک ہیں اور کئی بار انہوں نے کرکٹ کے تینوں فارمیٹس میں کھیلنے والے بھارتی کھلاڑیوں کی مصروفیت کو کم کرنے پر زور دیا ہے۔غور طلب ہے کہ نومبر 2019 میں بنگلہ دیش کے خلاف ٹوئنٹی -20 سیریز میں وراٹ کو آرام دیا گیا تھا۔

اس کے علاوہ ورلڈ کپ کے بعد ویسٹ انڈیز اور جنوبی افریقہ کے خلاف سیریز میں بھی باقاعدہ کپتان وراٹ کو آرام دیا گیا تھا۔

جنوبی افریقہ، بنگلہ دیش، سری لنکا اور آسٹریلیا کے خلاف مسلسل ایک کے بعد ایک ہوم سیریز کے بعد بھارتی ٹیم یہاں نیوزی لینڈ کے دورے پر آئی ہے۔ بھارت نے میزبان نیوزی لینڈ کو ٹوئنٹی -20 سیریز میں 5-0 سے شکست دی تھی جبکہ ون ڈے سیریز میں اسے 3-0 سے شکست کا سامنا کرنا پڑا تھا۔