بین الاقوامی کرکٹ کونسل (آ ئی سی سی ) کی مرد ٹیسٹ رینکنگ میں بھارتی کپتان وراٹ کوہلی سب سے زیادہ 922 درجہ بندی پوائنٹس کے ساتھ بلے بازوں کی فہرست میں اور بھارت کی ٹیم درجہ بندی میں 113 درجہ بندی پوائنٹس کے ساتھ اپنے نمبر ایک مقام پر برقرار ہے۔
بھارتی ٹیم تین اگست سے ویسٹ انڈیز کے دورے پر تین ٹوئنٹی 20، تین ون ڈے اور دو ٹیسٹ میچ کھیلنے اترے گی۔بلے بازی کی درجہ بندی میں وراٹ کے بعد نیوزی لینڈ کے کپتان کین ولیمسن (913) دوسرے اور بھارت کے چتیشور پجارا (881) تیسرے نمبر پر ہیں۔ آسٹریلیا کے اسٹیون اسمتھ (857) چوتھے اور هینری نکولس (778) پانچویں نمبر پر ہیں۔
وہیں ٹیم رینکنگ میں بھارت کے بعد نیوزی لینڈ 111 دوسرے نمبر پر ہے اور ہندستان سے اس کا فاصلہ صرف دو پوائنٹس ہی رہ گیا ہے۔ جنوبی افریقہ، انگلینڈ اور آسٹریلیا ٹاپ پانچ میں دیگر ٹیمیں ہیں۔انگلینڈ اور آئر لینڈ کے درمیان واحد ٹیسٹ ختم ہونے کے بعد آئی سی سی نے ٹیسٹ رینکنگ جاری کی ہے۔
انگلینڈ کے کھلاڑی سیم کیرن اور جیک ليچ نے انگلینڈ کی 143 رنز کی فتح کے بعد درجہ بندی میں بڑا سدھار کیا ہے۔ انگلش ٹیم اب جمعرات سے آسٹریلیا کے ساتھ ایشیز ٹسٹ سیریز میں اترے گی۔
وہ بلے بازی کی درجہ بندی میں براہ راست 57 مقامات کی چھلانگ لگا کر 117 ویں نمبر پر پہنچ گئے ہیں۔کیرن کو تینوں زمروں کی درجہ بندی میں فائدہ ملا ہے اور بلے بازی زمرے میں تین مقام اٹھ کر 52 ویں نمبر پر پہنچ گئے ہیں جبکہ گیند بازوں میں 28 رن پر تین وکٹ کی بدولت چھ مقام اٹھ کر 67 ویں نمبر پر پہنچ گئے ہیں۔ اپنی آل راؤنڈ کارکردگی کی بدولت وہ آل راؤنڈروں کی فہرست میں آٹھ مقام کے سدھار کے ساتھ 23 ویں نمبر پر پہنچ گئے ہیں۔
اسٹیورٹ براڈ میچ میں سات وکٹ لے کر ایک مقام کے فائدے کے ساتھ 18 ویں نمبر پر پہنچ گئے ہیں جبکہ کرس ووکس گیند بازوں میں اپنے 32 ویں نمبر پر برقرار ہیں ۔پہلی اننگز میں انگلینڈ کو 85 رنز پر ڈھیر کرنے کی کارکردگی کی بدولت آئر لینڈ کے بالروں کو بھی درجہ بندی میں فائدہ ملا ہے۔ نئی گیند سے ٹم مرتانگ کو 25 مقامات کا فائدہ ملا ہے جو 41 ویں نمبر پر پہنچ گئے ہیں جب کہ اسٹیورٹ تھامسن 11 مقام اٹھ کر 53 ویں اور بوڈ ریكن 21 مقام اٹھ کر 84 ویں نمبر پر پہنچ گئے ہیں۔
بھارتی گیند بازوں کی بات کریں تو رویندر جڈیجہ اور روی چندرن اشون اپنے چھٹے اور 10 ویں نمبر پر برقرار ہیں جبکہ آل راؤنڈرمیں جڈیجہ تیسرے اور اشون چھٹے نمبر پر ہیں۔
ایک روزہ میچوں میں گیند بازوں کی رینکنگ میں بھارت کے جسپریت بمراہ کا پہلا نمبر برقرار ہے۔
بلے بازوں کی فہرست میں اس وقت پاکستان کے بابر اعظم تیسری پوزیشن پر ہیں جب کہ آل راؤنڈر کی فہرست میں بنگلہ دیش کے شکیب الحسن کا پہلا نمبر ہے ۔
