سری لنکا نے ٹاس جیت کر بھارت کو بلے بازی کی دعوت دی تھی جس کا بھارتی سلامی بلے بازوں نے فائدہ اٹھاتے ہوئے پہلی وکٹ کے لیے 11 اوورز میں 97 رنز کی پارٹنرشپ نبھائی تھی۔
حالاںکہ اس بہترین پارٹنرشپ کے ٹوٹنے کے بعد بھارت کی بلے بازی لڑکھڑا گئی اور اس کے بلے باز یکے بعد دیگرے پویلین لوٹ گئے۔
بھارت کی جانب سے سلامی بلے بازوں نے نصف سنچری بنائی جس میں لوکیش راہل نے 54 اور شکھر دھون نے 52 رنز بنائے جبکہ سری لنکا کے گیند باز لکشن سندکن نے تین بلے بازوں کو پویلین کی راہ دکھائی جبکہ لاہیرو کمارا اور وانندو ہسارنگا کے حصے میں ایک ایک وکٹ آئے۔
واضح رہے کہ تین میچوں کی سیریز کا پہلا میچ بارش کی نذر ہو گیا تھا جبکہ دوسرے میچ میں بھارت نے سات وکٹوں سے جیت حاصل کی تھی۔