بھارت ۔ جنوبی افریقہ میچ منسوخ

جنوبی افریقہ اور بھارت کے مابین تین ٹی 20 میچوں کی سیریز کا پہلا میچ بارش کی وجہ سے رد ہوگیا جس کی وجہ سے کرکٹ شائقین کو مایوسی کا سامنا کرنا پڑا۔

بھارت اور جنوبی افریقہ کے درمیان پہلا ٹی 20 میچ دھرمشالہ کے ہماچل پردیش کرکٹ ایسوسی ایشن گراؤنڈ پر ہونے والا تھا لیکن دوپہر سے جاری مسلسل بارش کی وجہ سے ٹاس بھی نہیں ہو سکا جس کے بعد امپائرز نے میچ رد کرنے کا فیصلہ کیا۔

بشکریہ ٹویٹر

حالاںکہ مسلسل بارش کی وجہ سے میچ میں اوورز کی تعداد میں کمی کے امکانات تھے لیکن مقررہ وقت کے بعد بھی بارش نے اپنا ارادہ تبدیل نہیں کیا جس کی وجہ سے میچ رد ہو گیا۔

بھارت اور جنوبی افریقہ کے مابین تین ٹی 20 میچوں کی سیریز کا دوسرا میچ 18 ستمبر کو موہالی میں جبکہ تیسرا اور آخری میچ بنگلور کے ایم چنا سوامی اسٹیڈیم میں کھیلا جائے گا۔