فواد چودھری نے کہا کہ بھارت نے سری لنکا کے کھلاڑیوں کو پاکستان دورے پر جانے کے تعلق سے دھمکایا اور کہا کہ اگر وہ وہاں کرکٹ کھیلنے جائیں گے تو آئی پی ایل میں ان کا معاہدہ منسوخ کر دیا جائے گا۔
فواد چودھری نے اپنے ٹوئٹ میں کہا کہ' کھیل سے منسلک ایک شخص نے مجھے بتایا کہ بھارت نے سری لنکائی کھلاڑیوں کو پاکستان کا دورہ کرنے سے متعلق دھمکی دی ہے اور کہا کہ اگر وہ پاکستان جائیں گے تو انہیں آئی پی ایل میں کھیلنے نہیں دیا جائے گا۔
واضح رہے کہ سری لنکا کے متعدد کرکٹرز نے پاکستان دورے پر جانے سے انکار کر دیا ہے، ان کھلاڑیوں میں کپتان لست ملنگا، اینجلو میتھیوز، دنیش چنديمل، سرنگا لکمل، دمتھ كرونارتنے، تھسارا پریرا، اكيلا دھننجے، دھننجے ڈی سلوا، کشل پریرا اور نروشن ڈكویلا شامل ہیں۔