زمبابوے کے خلاف تین ٹی 20 میچوں کی سیریز کے پہلے 2 مقابلوں میں کامیابی کے بعد پاکستان کے 262 پوائنٹس ہوگئے تھے اور وہ تیسری پوزیشن پر موجود بھارت (266) سے 4 پوائنٹس پیچھے تھی۔
تیسرے ٹی 20 میچ میں کامیابی کی صورت میں بھی پاکستان کو کوئی پوائنٹ نہیں ملنا تھا اور اس کی چوتھی پوزیشن برقرار رہنی تھی تاہم اگر اسے اس میچ میں شکست ہوجاتی تو اسے 3 پوائنٹس کا نقصان اٹھانا پڑتا لیکن اس نے ایسا نہیں ہونے دیا۔
انٹرنیشنل کرکٹ کونسل(آئی سی سی ) کی ٹی 20 رینکنگ میں آسٹریلیائی ٹیم 275 ریٹنگ پوائنٹس کے ساتھ پہلے نمبر پر ہے جب کہ 2010 کی ٹی 20 ورلڈ چمپئن انگلینڈ 271 پوائنٹس کے ساتھ دوسرے اور بھارت ٹیم تیسرے نمبر پر ہے۔
فیوچر ٹورز پروگرام میں اب جنوبی افریقہ کا مقابلہ انگلینڈ اور نیوزی لینڈ کا مقابلہ ٹی 20 چمپیئن ویسٹ انڈیز کے ساتھ ہوگا جبکہ اس سال کے آخر میں نیوزی لینڈ اور پاکستان کے درمیان تین ٹی 20 میچ کی سیریز شیڈول ہے۔
