ویسٹ انڈیز کرکٹ کے آل راؤنڈر کھلاڑی ڈیرین سیمی نے امریکہ میں افریقی امریکی فام شہری جارج فلائیڈ کی پولیس حراست میں موت کی خبر کے بعد سوشل میڈیا پر مسلسل پوسٹ ڈالتے ہوئے اپنی رائے دی۔
فلائیڈ کی موت کے بعد سے ہی امریکہ میں جگہ جگہ مظاہرے ہو رہے ہیں جو مسلسل پر تشدد ہوتے جا رہے ہیں۔
سیمی نے کہا کہ آئی سی سی اور دیگر کرکٹ بورڈ کو نظر نہیں آ رہا کہ میرے جیسے لوگوں کے ساتھ کیا ہو رہا ہے۔کیا آپ میرے جیسے لوگوں کے ساتھ ہو رہی سماجی ناانصافی کے خلاف آواز نہیں اٹھائیں گے۔
ویسٹ انڈیز کو ٹی 20 ورلڈ کپ فاتح بنانے والے کپتان نے ڈیرین سیمی نے کہا کہ نسلی اور ذات پات امتیاز صرف امریکہ تک محدود نہیں ہے بلکہ یہ دنیا بھر میں ہوتا ہے۔
انہوں نے کہا کہ یہ صرف امریکہ کی بات نہیں ہے۔ یہ ہر روز ہوتا ہے۔ یہ خاموش رہنے کا وقت نہیں ہے، میں آپ کے خیالات سننا چاہتا ہوں۔
سیمی نے کہا کہ کئی برسوں سے سیاہ فام لوگوں کو بہت کچھ برداشت کرنا پڑ رہا ہے۔ میں سینٹ لوسیا میں ہوں اور کافی ناراض ہوں۔ اگر آپ مجھے ٹیم کا حصہ مانتے ہیں تو آپ فلائیڈ کی بھی حمایت کریں۔
سیمی کا بیان کرس گیل کے اس بیان کے بعد سامنے آیا جس میں کرس گیل نے کہا تھا کہ انہیں اپنے کیریئر میں نسلی امتیازی سلوک کا سامنا کرنا پڑا تھا اور ایسا صرف فٹ بال میں ہی نہیں بلکہ کرکٹ میں بھی ہوتا ہے۔
ویسٹ انڈیز کرکٹ کھلاڑی کرس گیل نے کہا کہ 'نسل پرستی صرف فٹ بال میں نہیں ہے بلکہ کرکٹ میں بھی ہے۔ گیل نے یہ بات امریکہ میں سیاہ فام شخص جارج فلائیڈ کی پولیس حراست میں ہوئی موت کے بعد ہو رہے احتجاج کے درمیان کہی ہے۔
واضح رہے کہ سیاہ فام شخص فلائیڈ کی موت گزشتہ ہفتے پولس میں ہو گئی تھی۔ ایک سفید فام پولیس افسر نے اپنا گھٹنا ان کی گردن کو دبا کر رکھا تھا، جس کی وجہ سے سانس لینے میں دقت ہوئی اور فلائیڈ کی موت ہو گئی۔
امریکہ میں ایک سفید فام پولیس اہلکار کی طرف سے سیاہ فام شخص جارج فلائیڈ کے قتل کے خلاف پورے ملک میں احتجاج ہو رہا ہے۔
جارج فلائیڈ کے قتل پر اپنا غصہ ظاہر کرتے ہوئے کرس گیل نے اپنی انسٹاگرام اسٹوری میں نسل پرستی اور سیاہ فام لوگوں کی زندگی کے بارے میں کچھ جذباتی باتیں شئیر کیں۔
گیل نے اپنی انسٹاگرام اسٹوری میں لکھاکہ 'سیاہ فام لوگوں کی زندگی بھی دوسروں کی زندگی کی طرح معنی رکھتی ہے۔
انهوں نے کہا کہ میں نے پوری دنیا گھومی ہے اور نسل پرست باتیں سنی ہیں کیونکہ میں سیاہ فام ہوں۔ یقین مانئے یہ فہرست بڑھتی چلی جائے گی۔
