دھونی سے موازنہ ٹھیک لیکن خود کی شناخت بنانا چاہتا ہوں: رشبھ پنت

بھارتی کرکٹ ٹیم کے وکٹ کیپر بلے باز رشبھ پنت اپنا موازنہ ایم ایس دھونی سے کرنے سے خوش ہیں لیکن انہوں نے کہا کہ میں ٹیم میں خود کی الگ شناخت بنانا چاہتا ہوں۔

بارڈر گاوسکر ٹرافی میں بھارت کی شاندار اور تاریخی جیت میں کلیدی کردار ادا کرنے والے وکٹ کیپر رشبھ پنت آسٹریلیا سے دہلی ایئر پورٹ پہنچے جہاں ان کا استقبال کیا گیا۔

برسبین ٹیسٹ کی دوسری اننگ میں ناٹ آؤٹ 89 رنز بنا کر ٹیم کو فتح سے ہمکنار کرنے والے رشبھ پنت نے کہا کہ 'جب ان کا موازنہ ایم ایس دھونی جیسے عظیم کھلاڑی سے کیا جاتا ہے تو بہت اچھا لگتا ہے لیکن میں نہیں چاہتا کہ میرا موازنہ کسی دوسرے کھلاڑی سے کیا جائے، چونکہ دھونی ایک بہت ہی بہترین اور عظیم وکٹ کیپر اور کپتان ہیں۔

رشبھ نے کہا کہ 'میں قومی ٹیم میں اپنی الگ پہچان بنانا چاہتا ہوں کیوں کہ کسی نوجوان کھلاڑی کا موازنہ کسی بڑے کھلاڑی سے کرنا صحیح نہیں ہے۔

انہوں نے کہا کہ 'ہم نے آسٹریلیا میں جس طرح کی کارکردگی کا مظاہر کیا اس سے پوری ٹیم بہت خوش ہے۔

واضح رہے کہ بارڈر گاوسکر ٹرافی کے پہلے ٹیسٹ میں شرمناک شکست کے بعد بھارتی ٹیم نے شاندار واپسی کرتے ہوئے سیریز 1-2 سے اپنے نام کر لی۔