منزل انہی کو ملتی ہے جن کے سپنوں میں جان ہوتی ہے
پنکھوں سے کچھ نہیں ہوتا حوصلوں سے اڑان ہوتی ہے۔
اس شعر کو 15 برس کی بھارتی خاتون کرکٹر شیفالی ورما نے سچ ثابت کر دکھایا۔
کبھی غربت کی وجہ سے مجبوراً شیفالی ورما پھٹے ہوئے گلوز کو اپنے کٹ میں ہی پہن لیتی تھیں تاکہ دوسرے ساتھیوں کو پھٹے پرانے گلوز نہ نظر آئے اور اس کا مذاق نہ بنائیں لیکن آج شیفالی اس مقام کو پیچھے چھوڑ اتنی آگے نکل چکی ہیں کہ سب کو اس پر ناز ہے۔
اپنی دھماکے دار اننگز کی بدولت شیفالی ورما کا اگلے ماہ فروری میں ہونے والی ٹی 20 ورلڈ کپ کے لیے قومی ٹیم میں سلیکشن ہوا ہے یہ ورلڈ کپ آسٹریلیا میں 21 فروری سے شروع ہوکر 8 مارچ تک کھیلا جائے گا۔
آسٹریلیا میں منعقد ہونے والے ٹی 20 ورلڈ کپ کے لیے بھارتی خواتین کرکٹ ٹیم میں شامل ہوئی شیفالی ورما والد کی غربت پر کبھی اتنی مجبور تھیں کہ پھٹے پرانے گلوز اور ٹوٹے ہوئے بیٹ سے کھیلتی تھیں۔
یہی نہیں شیفالی میدان میں ہاتھوں کو اس لیے نہیں کھولتی تھی کیونکہ وہ نہیں چاہتی تھی کہ اس کے ساتھی کھلاڑی پھٹے ہوئے گلوز دیکھ کر اس کا مذاق اڑائیں گے۔
ان تمام باتوں کا انکشاف کرتے ہوئےشیفالی ورما کے والد بھی اپنے آنسو نہیں روک پائے۔
ای ٹی وی بھارت نے شیفالی کے والد سے بات چیت کی۔
انہوں نے کہا ہے کہ 'میری غربت کو دیکھتے ہوئے شیفالی کے پھٹے ہوئے گلوز اور پرانی بیٹ سے کھیلتی تھی لیکن یہ بات کبھی گھر پر نہیں بتائی اور کئی ماہ تک ایسے ہی کرکٹ کھیلتی رہی۔
شیفالی کے قومی ٹیم میں سلیکشن ہونے کے بعد ان کے والد نے ای ٹی وی بھارت سے بات چیت کے دوران شیفالی کے پھٹے ہوئے گلوز اور پرانی بیٹ دکھائی اس دوران ان کی آنکھوں سے آنسو جاری ہوگئے اور ان کی غریبی اور مجبوری انہی آنسوؤں کے ساتھ بہہ گئی۔
شیفالی ورما کا بھارتی ٹی 20 ورلڈ کپ ٹیم میں منتخب ہونے پر اس کے اہلخانہ انتہائی خوش ہیں۔
شیفالی کے والد سنجیو ورما نے یہ بھی بتایا کہ 'ایک وقت ایسا آیا کہ جب میری جیب میں صرف 208 روپے تھے، اسی دوران بیٹی بھی گھر کے حالات کو سمجھ کر اپنے لیے نیا بیٹ اور گلوز کی بات کہہ ہی نہیں سکی اور پھٹے ہوئے گلوز اور بیٹ سے خاموشی کے ساتھ کھیلتی رہی۔
انہوں نے بتایا کہ جب بھی شیفالی کہیں کھیلنے کے لیے جاتی تو گلوز کو کٹ کے اندر ہی پہن لیتی تھی تاکہ دوسرے کسی کھلاڑی کو پتہ نہ چل سکے کہ اس کے گلوز پھٹے ہوئے ہیں لیکن شیفالی نے کبھی ہار نہیں مانی۔
شیفالی کے والد نے بتایا کہ 'آج بیٹی کے قومی ٹیم میں انتخاب پر ہمیں ناز ہے، انہوں نے امید ظاہر کی کہ اب کی بار شیفالی ورلڈ کپ میں بہتر کارکردگی کا مظاہرہ کر ملک کا نام روشن کرے گا۔
وہیں دوسری جانب شیفالی کی والدہ پروین کا کہنا ہے کہ بیٹی کے ورلڈ کپ ٹیم میں منتخب ہونے پر مبارکباد دینے والوں کا تاتا لگا ہوا ہے اور اس سے اچھی کارکردگی کی توقع کی جا رہی ہے۔
