کورونا وائرس کے خطرے کو دیکھتے ہوئے گیند بازوں کے ذریعے گیندوں پر منہ کا تھوکیا لعاب استعمال کرنے کے بارے میں جاری بحث میں آسٹریلیا کے اوپنر ڈیوڈ وارنر کا خیال ہے کہ اس کے استعمال میں کوئی برائی نہیں ہے لیکن بھارت کے سابق فاسٹ بولر ظہیر خان کا کہنا ہے کہ اس سے کھلاڑیوں کو خطرہ ہو سکتا ہے ۔
'تھوک کے استعمال سے خطرہ ہوگا' بائیں ہاتھ کے تیز گیندباز ظہیر خان کا خیال ہے کہ گیند پر منہ کا لعاب کے استعمال سے نہ صرف کھلاڑیوں کو بلکہ میدان پر موجود شائقین کو بھی خطرہ لا حق ہو گا ۔
ظہیر نے کہا کہ اس معاملے پر سنجیدگی سے غور کرنا چاہئے۔ صرف ایک کھلاڑی گیند پر منہ کا تھوک استعمال نہیں کرتا بلکہ ٹیم میں شامل تمام کھلاڑی ایسا کرتے ہیں۔
'تھوک کے استعمال سے خطرہ ہوگا' جب آپ شائقین کے سامنے کھیلتے ہیں اور کوئی بلے باز چھکا مار دیتا ہے اور گیند ناظرین کی گیلری میں جاتی ہے تو بہت سے لوگ اس گیند کو چھوتے ہیں۔
انہوں نے کہا کہ ایسے معاملے میں گیند پر منہ کا تھوک استعمال کرنے پر سوال اٹھنا لازمی ہے۔اس سے کسی کے اندر وائرس داخل ہونے کے زیادہ آثار ہیں۔
