خاتون کرکٹ: انگلینڈ نے بھارت کو شکست دی

انگلینڈ کی خاتون ٹیم نے ٹی۔20 سہ رخی سیریز کے اہم لیگ میچ میں نتالی اسکیویر کی شاندار نصف سنچری کی بدولت بھارت کی خواتین کرکٹ ٹیم کو چار وکٹوں سے شکست دے دی۔

اس سے قبل انگلینڈ نے ٹاس جیت کر گیند بازی کرنے کا فیصلہ کیا تھا۔ پہلے بلے بازی کرنے آئی بھارتی ٹیم نے مقررہ 20 اوورز میں چھ وکٹ کے نقصان پر 123 رنز بنائے۔ انگلینڈ اس ہدف کا تعاقب کرتے ہوئے 18 اوورز 5 گیندوں میں ہی میچ جیت لیا۔

بھارتی خواتین کرکٹ ٹیم کی جانب سے اوپنر اسمرتی مندھانا نے 40 گیندوں میں سات چوکوں اور ایک چھکے کی مدد سے 45 رنز بنائے۔

خاتون کرکٹ: انگلینڈ نے بھارت کو شکست دی

جیمیما رودریگیز نے 23 اور کپتان ہرمن پریت نے صرف 14 رنز بنائے۔ انگلینڈ کی جانب سے آنیا شروبسولے نے تین اور کیتھرین برنٹ نے دو وکٹ حاصل کیں۔ وہیں انگلینڈ ٹیم کے لیے اسکیویر نے 38 گیندوں میں چھ چوکوں اور ایک چھکے کی مدد سے 50 رنز بنائے۔ راجیشوری گائکواڑ نے بھارتی ٹیم کی جانب سے سب سے زیادہ تین وکٹ حاصل کیں۔ وہیں رادھا یادو نے بھی ایک وکٹ اپنے نام کیا۔

واضح رہے کہ بھارتی ٹیم کو آسٹریلیائی خاتون ٹیم کے خلاف بھی شکست کا سامنا کرنا پڑا تھا۔ وہیں پہلے میچ میں بھارتی ٹیم نے انگلینڈ کو پانچ وکٹ سے شکست دی تھیں۔