بھارتی کرکٹ ٹیم کے کپتان وراٹ کوہلی نے نیوزی لینڈ کے خلاف پہلے ون ڈے کی شام کو منگل کے روز پریس کانفرنس میں فیلڈنگ کو بہتر بنانے پر خصوصی زور دیا۔
بھارت نے یہ سیریز 5-0 سے جیتی لیکن اس کی فیلڈنگ اچھی نہیں رہی تھی اور بہت کیچ ڈراپ گئے تھے. اسی بات کو لے کر کپتان نے فیلڈنگ کو بہتر بنانے کی ضرورت پر زور دیا ہے۔
بھارتی کرکٹ ٹیم کے کپتان نے کہاکہ ہمیں فیلڈنگ کو بہتر کرنا ہوگا. اگر آپ دیکھیں تو ٹیم میں اوسطا کھلاڑی کی عمر زیادہ سے زیادہ 27 سال ہے تو ہمیں اس حساب سے فیلڈنگ کرنی ہوگی.
دیگر ٹیموں کے مقابلے ہماری فیلڈنگ کچھ خاص بہتر نہیں ہے. ٹی -20 کرکٹ میں جلدی جلد ی حالات بدلتے ہیں تو اس دوران آپ پریشان رہیں گے تو آپ کو مقابلے میں دقت کا سامنا کرنا پڑے گا۔
وراٹ نے ساتھ ہی کہاکہ ون ڈے کرکٹ میں بھی ہماری فیلڈنگ میں کارکردگی ایسی نہیں ہے جس پر ہم فخر کر سکیں.
ہم نے اس بارے میں کئی بار بات کی ہے۔ ہم ایک نوجوان ٹیم سے ہمیشہ فٹ رہنے کی امید کرتے ہیں. کرکٹ ایسا کھیل ہے جہاں تینوں شعبوںؓ میں آپ کو بہتر کارکردگی کا مظاہرہ کرنا ہوتا ہے.
بیٹنگ اور بولنگ کی طرح فیلڈنگ بھی اتنا ہی اہم ہے. ہمیں اپنی غلطیوں کو دور کرکے آگے بڑھنا ہو گا۔
