'کرکٹ میرے لیے پیشہ نہیں ہے، مجھے کرکٹ سے پیار ہے'

راس ٹیلر نے ایک پریس کانفرنس کے دوران کہا کہ ان کے لیے کرکٹ کھیلنا محض ایک پیشہ نہیں بلکہ وہ کرکٹ کھیلنا پسند کرتے ہیں۔

نیوزی لینڈ کرکٹ ٹیم کے اسٹار کھلاڑی راس ٹیلر تیسرے پلیئر بن گئے ہیں، جو ٹی 20 میں اپنے 100 میچز پورے کر چکے ہیں۔

انہوں نے نیوزی لینڈ میں ایک پریس کانفرنس کو خطاب کرتے ہوئے اپنے کرکٹ کے سفر اور کریئر کے بارے میں بات چیت کی۔

انہوں نے کہا 'انہوں نے اپنا پہلا ٹی ٹونٹی میچ 2005 میں کھیلا، اور ان کے لیے کرکٹ ایک پیشہ نہیں بلکہ ایک ایسا کام ہے جسے وہ کرنا پسند کرتے ہیں'۔

انہوں نے مزید کہا 'وہ ان سب لوگوں کا شکریہ ادا کرتے ہیں، جنہوں نے ان کو یہاں تک پہنچنے میں مدد کی، اور وہ کامیاب ہوئے'۔

راس ٹیلر آٹھ مارچ 1984 میں پیدا ہوئے، انہوں نے نیوزی لینڈ کی ٹیم کی کپتانی بھی کی ہے اور سنہ 2017 میں او ڈی آئی میچز کے دوران سنچری بنائی۔

انہوں نے اب تک 99 ٹیسٹ میچ، 231 او ڈی آئی، 100 ٹی ٹونٹی اور 175 ایف سی کھیلے ہیں۔