بہترین فٹنس کی بنیاد پر کسی بھی ٹیم کو سخت چیلنج دے سکتے ہیں

بھارتی کرکٹ ٹیم کے کپتان وراٹ کوہلی نے کہاکہ بہترین فٹنس کی بنیاد پر کسی بھی ٹیم کو سخت چیلنج دے سکتے ہیں۔ مستقبل میں ہم آرام کرنے کو ترجیح دیں گے۔

بھارتی کرکٹ ٹیم کے کپتان اور مایہ ناز بلے باز وراٹ کوہلی نے نیوزی لینڈ کے خلاف جمعہ سے شروع ہو نے والی دو میچوں کی ٹیسٹ سیریز میں ٹیم انڈیا کی تیاریوں کا ذکر کرتے ہوئے کہاکہ یہ معنی نہیں رکھتا کہ حریف ٹیم کے پاس کتنا تحمل ہے۔ ہمیں ان سے زیادہ تحمل دکھانا ہوگا۔

بہترین فٹنس کی بنیاد پر کسی بھی ٹیم کو سخت چیلنج دے سکتے ہیں

انہوں نے کہاکہ ہماری فٹنیس اور یکسوئی کی سطح ایسی ہے کہ ہم کسی بھی ٹیم کے خلاف کہیں بھی کھیل کر سخت چیلنج پیش کر سکتے ہیں۔

بھارتی کپتان نے کہا کہ ٹیم کے کھلاڑی میچ میں کنڈیشنز کے مطابق اپنی کارکردگی کا مظاہرہ کریں گے ۔ نیوزی لینڈ کی ٹیم کے پاس بہت شاندار بلے باز اور بولر کے علاوہ بہترین فیلڈر بھی ہیں اس لئے ہمیں اچھے مواقع پر وکٹ لینے ہوں گے اور رن بنانے ہوں گے۔

بہترین فٹنس کی بنیاد پر کسی بھی ٹیم کو سخت چیلنج دے سکتے ہیں

وراٹ نے کہا کہ عالمی ٹیسٹ چمپئن شپ نے ٹیسٹ کرکٹ کو زیادہ دلچسپ بنا دیا ہے۔ ہر ٹیم لارڈس میدان پر کھیلے جانے والے اس چمپئن شپ فائنل میں پہنچنا چاہتی ہے اور ہم بھی ایسا ہی چاہتے ہیں۔

ویلنگٹن ٹیسٹ میں سلامی جوڑی سے متعلق پوچھے گئے سوال کے جواب میں وراٹ نے کہاکہ پرتھوی شا کافی ہوشیار کھلاڑی ہیں اور ان کا کھیلنے کا اپنا طریقہ ہے۔

بھارتی کپتان نے کہاکہ ہم چاہتے ہیں کہ وہ اپنے اسٹائل کے مطابق کھیلیں۔ مینک نے آسٹریلیا کے خلاف شاندار کارکردگی کا مظاہرہ کیا تھا اور امید ہے کہ وہ اسے دہرا پائیں گے۔