انگلینڈ اینڈ ویلز کرکٹ بورڈ نے آئندہ ماہ سری لنکا کے خلاف دو ٹیسٹ میچوں کی سیریز کے لئے جو روٹ کی قیادت میں انگلینڈ ٹیم کا اعلان کر دیا جس میں وکٹ کیپر بلے باز بین فوکس اور اوپنربلےباز کیٹن جیننگز کی ٹیم میں واپسی ہوئی ہے۔
سری لنکا کے خلاف سیریز کے لئے انگلینڈ ٹیم کا اعلان جنوبی افریقہ کے خلاف کیپ ٹاؤن ٹیسٹ میں پسلی کی چوٹ سے صحت یاب ہونے والے فاسٹ بالر جیمز اینڈرسن کو آرام کی غرض سے دستے میں شامل نہیں کیا گیا ہے ۔علاوہ ازیں جوفرا آرچر کہنی کی انجری کے باعث ٹیم میں شامل نہیں کئے گئے ہیں ۔
سری لنکا کے خلاف سیریز کے لئے انگلینڈ ٹیم کا اعلان آخری بار ایجبسٹن میں آسٹریلیا کے خلاف ٹیسٹ کھیلنے والے آل راؤنڈر معین علی ٹیم میں جگہ بنانے میں ناکام رہے ہیں جبکہ انگلینڈ کے اہم اسپنر جیک لیچ بیماری سے صحت یاب ہوکر ٹیم میں واپس آئے ہیں۔ ڈوم بیس اور میتھیو پارکنسن دوسرے ا سپنر ہوں گے۔
سری لنکا کے دورے کیلئے انگلینڈ ٹیسٹ ٹیم کی قیادت جو روٹ کریں گے اور بین ا سٹوکس کو نائب کپتانی کی ذمہ داری سپرد کی گئی ہے ۔انگلینڈ آئی سی سی ورلڈ ٹیسٹ چمپئن شپ پوائنٹس ٹیبل پر تیسرے نمبر پر ہے۔اس دوران سری لنکا کرکٹ بورڈ (ایس سی بی) نے سیریز کے شیڈول کا اعلان کر دیا ہے جس کے تحت انگلینڈ کی ٹیم آئندہ ماہ سری لنکا کا دورہ کرےگی۔
سری لنکا کے خلاف سیریز کے لئے انگلینڈ ٹیم کا اعلان سری لنکا آئندہ ماہ انگلینڈ کے خلاف انٹرنیشنل کرکٹ سیریز کی میزبانی کرے گا۔ یہ انگلینڈ کا رواں سال سری لنکا کا پہلا دورہ ہو گا۔ دونوں ٹیموں کے درمیان دو ٹیسٹ میچوں کی سیریز کھیلی جائے گی۔
اس کے علاوہ انگلینڈ کی ٹیم دو ٹیسٹ میچ کی سیریز سے قبل دو ٹور میچ کھیلے گی جن میں سے ایک تین روزہ اور ایک چار روزہ ہوگا۔ دونوں ٹیموں کے درمیان پہلا ٹیسٹ میچ 19 سے 23 مارچ تک گال میں کھیلا جائے گا جبکہ دوسرا اور آخری ٹیسٹ میچ 27 سے 31 مارچ تک کولمبو میں شیڈول ہے۔
انگلش ٹیم : جو روٹ ( کپتان )، بین اسٹوکس ، ڈومینک بیس، ا سٹورٹ براڈ، جوس بٹلر، جیک کرولی، سیم کران، جو ڈینلی، بین فوکس، کیٹن جیننگز، جیک لیچ، میتھیو پارکنسن، اولی پوپ، ڈومینک سیبل، کرس ووکس اور مارک ووڈ ۔
