کرکٹ آسٹریلیا نے ایک نئی پالیسی بنائی ہے جس کے تحت خواجہ سرا اور ہم جنس پرست آسٹریلیا میں بڑی سطح پر کرکٹ کھیل سکیں گے۔
بورڈ نے ایلیٹ لیول پالیسی کے ساتھ ساتھ کمیونٹی کرکٹ کے لیے ہدایات جاری کی ہیں جس کے تحت خواجہ سرا اور ہم جنس پرست کھلاڑیوں کی اعلی سطح پر کرکٹ کے لیے حوصلہ افزائی کی جائے گی۔
کرکٹ آسٹریلیا کے سی ای او کیون رابرٹس نے کہا کہ کھیل کا سب سے بڑا عامل فٹنس ہے اور اب کچھ پیرامیٹرز کے تحت خواجہ سرا اور ہم جنس پرست کھلاڑیوں کو اعلی سطح پر کرکٹ کھیلنے کے مواقع ملیں گے۔
خواجہ سراؤں اور ہم جنس پرست کھلاڑیوں کو اگر خواتین کی ٹیم میں کھیلنا ہے تو 12 ماہ یا اس سے زیادہ وقت کے لیے ان کے سیرم میں ٹیسٹوسٹیرون کی مقدار 10 نینومولس فی لیٹر سے کم ہونا چاہئے۔
رابرٹس نے کہا کہ اس کھیل میں کسی قسم کا امتیازی سلوک نہیں ہے، یہ پالیسی کھلاڑیوں کو مواقع فراہم کرے گی۔
رابرٹس نے عوامی سطح کے کرکٹ کے لیے بھی ہدایات جاری کیں ہے، اس میں كلبس، کھلاڑیوں، منتظمین، کوچ اور دیگر رضاکاروں کو کہا گیا ہے کہ یہ ان کی ذمہ داری ہے کہ وہ خواجہ سرا اور ہم جنس پرست کھلاڑیوں کے لیے محفوظ اور امتیازی سلوک سے پاک ماحول پیدا کریں۔