کورونا نے بلے بازوں سے زیادہ گیند بازوں کو متاثر کیا

جنوبی افریقہ کرکٹ ٹیم کے سابق وکٹ کیپر اور موجودہ کوچ مارک باؤچر نے کہا کہ بلے بازوں کی بہ نسبت گیند باز کورونا وائرس سے زیادہ متاثر ہوئے ہیں۔

جنوبی افریقہ کرکٹ ٹیم کے کوچ مارک باؤچر نے سری لنکا کے خلاف پہلے ٹیسٹ میچ میں ایک اننگز اور 45 رن سے جیت کے بعد کہا کہ کورونا وائرس نے بلے بازوں سے زیادہ گیندبازوں کو متاثر کیا ہے۔

باؤچر نے کہا کہ بلے بازوں کے لیے فٹنیس پر کام کرنا آسان ہے۔ وہ کئی طرح کی ورزش کرسکتے ہیں لیکن مسلسل 20 اوور پھینکنا مشکل کام ہے۔ گیندبازوں کو کھیل کی پوزیشن میں ڈھالنے کی کوشش کرنی پڑتی ہے کیونکہ انہیں صبح دس اوور کے بعد پھر دوپہر میں بھی دس اوور کرنے پڑتے ہیں۔ ؎

انہوں نے کہا کہ 'گیند بازوں سے صرف یہ توقع نہیں کی جاسکتی کہ صرف چھ اوور ہی کرنے ہوں گے اور سوچیں گے کہ وہ ٹیسٹ میچ کے لیے تیار ہیں۔ آپ ایک گیند باز کو صرف 20 اوور تک گیند بازی کے لیے نہیں کہہ سکتے۔