کرکٹ کے نام پرنوجوانوں سے دھوکہ دہی

دہلی این سی آرمیں کرکٹر بننے کا خواب دکھا کر دھوکہ دہی کرنے کے معاملے میں ریاستی کرکٹ کمیٹی کے متعدد افسران پولیس کے راڈار پر ہیں۔

کرکٹر کا خواب دکھا کر دھوکہ دہی کے معاملے میں ناگالینڈ، اروناچل پردیش اور جھارکھنڈ کرکٹ کمیٹی کے متعدد افسر تفتیشی ایجنسی کے نشانے پر ہیں، پولیس کے مطابق اگر افسران کے خلاف ثبوت ملتے ہیں تو انکی گرفتاری ضرور ہوگی۔

تفتشی ایجنسی کے ایک افسر کے مطابق دھوکہ دہی کا یہ معاملہ صرف دہلی تک ہی محدود نہیں ہے بلکہ اسکے تار اروناچل پردیش، ناگالینڈ اور جھارکھنڈ سے بھی جڑے ہیں۔

تحقیق سے معلوم ہوا ہے کہ وہاں کی کرکٹ کمیٹی کے کچھ ارکان سے ہریش جمال کے تعلقات ہیں، سنہ 2008 میں ہی سپریم کورٹ سے ان ریاست کے کرکٹ بورڈ کو منظوری ملی ہے۔ ان ریاستوں میں کرکٹ کھلاڑیوں کی کافی کمی ہے، اس لیے وہاں کے افسر چاہتے ہیں کہ دوسری ریاست سے اچھے کھلاڑی کو اپنی ٹیم میں شامل کر کے کھلائیں۔

کرکٹروں کی تلاش میں رہنے والا ہریش نے بتایا کہ ریاستی کرکٹ کمیٹی کے افسر سے میرے اچھے تعلقات ہیں، میں خود بھی ناگالینڈ میں کرکٹ کھیلنے جاتا تھا، جب افسران نے اسے باہر کے کھلاڑی لانے کے لیے کہا تو اس نے اسکو روپئے کمانے کا سنہرا موقع سمجھا اور پھر وہ کرکٹر بننے والے کھلاڑیوں کے خاندان سے ملاقات کرکے انھیں ریاست کی ٹیم میں کھلانے کے لیے لاکھوں روپئے وصول کرنے لگا، اس کام میں روی دلال اسکی مدد کرتا تھا۔

واضح رہے کہ ان مجرمین کا کاروبار دہلی کے قرول باغ میں جوتے کی دکان سے انجام دیا جاتا تھا۔

پولیس کے مطابق ہریش تقریبا ایک سال سے اس غبن کے دھندے کو انجام دے رہا ہے اور اسی نے سب سے زیادہ پیسے بھی کمائے ہیں۔