آخر لارا نے اظہر علی کی تعریف کیوں کی

سابق ویسٹ انڈین کپتان برائن لارا نے ساؤتھمپٹن ٹیسٹ کی پہلی اننگز میں سنچری بنانے والے اظہر علی کی تعریف کرتے ہوئے کہا ہے کہ انگلینڈ کے خلاف اظہر علی نے نئے دور کی بہترین کیپٹن اننگز کھیلی ہے۔

سوشل میڈیا پر 51 سالہ برائن لارا نے کہا کہ اتوار کو جب میں جاگا تو سوچا ٹیسٹ کرکٹ، کیریبیئن پریمیئر لیگ، گولف یا یوئیفا چمپئن شپ دیکھوں گا مگر پھر میں نے اظہر علی کی بیٹنگ دیکھنا شروع کی جو ایک ایسا ٹیسٹ بچانے کی کوشش کررہے تھے جس میں فتح کا کوئی امکان نہیں تھا۔

انہوں نے کہا کہ انہوں نے فواد عالم اور رضوان کے ساتھ 2 بہترین شراکتیں دیکھیں مگر اظہر علی نے نئے دور کی بہترین کیپٹن اننگز کھیلی۔میں جانتا تھا کہ سی پی ایل میں ٹرینباگو نائٹ رائیڈرز جیت جائیں گے مگر میں نے ریموٹ کو ہاتھ بھی نہیں لگایا۔