کورونا وائرس کے خطرے کو دیکھتے ہوئے گیند بازوں کے ذریعے گیند پر تھوک استعمال کرنے کے متعلق بحث چھڑی ہوئی ہے۔متعدد گیند بازوں کی بھی اس بارے میں رائے مختلف ہے۔
اگرچہ بین الاقوامی کرکٹ کونسل (آئی سی سی) تھوک کی جگہ مصنوعی مادہ کے استعمال پر بحث کر رہا ہے لیکن اس سلسلے میں ابھی کوئی فیصلہ نہیں لیا گیا ہے۔
پرساد نے اسٹار اسپورٹس کے تیلگو شو کرکٹ کنکٹڈ میں کہا کہ کھیل کے قوانین تو یہ کہتے ہیں کہ گیند کو چمکانے کے لئے آپ باہر سے کسی بھی مادہ کا استعمال نہیں کر سکتے کیونکہ ایسا کرنا گیند سے چھیڑ چھاڑ سمجھا جاتا ہے۔
انہوں نے کہا کہ کھلاڑی لہذا کئی بار گیند کو چمکانے کے لئے پسینے اور تھوک کا استعمال کرتے ہیں۔لیکن موجودہ صورت حال میں اس پر روک لگانی چاہئے اور آئی سی سی کو گیند پالش کے لئے دیگر اختیارات کے بارے میں سوچنا چاہئے۔
اس سے پہلے ہندستانی ٹیم کے سابق فاسٹ بولر اشیش نہرا نے گیند پر تھوک کے استعمال کا دفاع کیا تھا اور کہا تھا کہ اس پر پابندی لگانا گیند بازوں کو قتل کرنے جیسا ہوگا جبکہ دیگر سابق فاسٹ بولر ظہیر خان نے اس کے استعمال پر روک لگانے کی مانگ کی تھی اور اسے کھلاڑیوں اور شائقین کے لئے خطرہ بتایا تھا۔