انگلینڈ دورہ سے قبل پاکستان کے تین کھلاڑی کورونا مثبت

انگلینڈ دورے کے لیے روانہ ہونے سے قبل پاکستان کرکٹ ٹیم کو بہت بڑا جھٹکا لگا ہے۔ پاکستان کے تین کھلاڑی کورونا وائرس کی زد میں آگئے ہیں۔پاکستان کے لیگ اسپنر شاداب خان، تیز گیند باز حارث رؤف اور 19 سالہ بلے باز حیدر علی کورونا مثبت پائے گئے ہیں۔

پاکستان کرکٹ بورڈ (پی سی بی) نے بتایا کہ 'پی سی بی کا میڈیکل پینل ان تینوں کے ساتھ رابطے میں ہے اور انہیں آئسولیٹ کر دیا گیا ہے۔ عماد وسیم اور عثمان شنواری کا بھی راولپنڈی میں کورونا کی جانچ کی گئی ہے، ان کا ٹیسٹ منفی آیا ہے۔ وہ 24 جون کو لاہور جائیں گے'۔

پاکستان کو انگلینڈ کے چیلینجنگ دورے سے قبل ایک بڑا دھچکا لگا ہے۔

اس کے تین کھلاڑی کورونا وائرس سے متاثر پائے گئے ہیں۔ پاکستان کرکٹ بورڈ (پی سی بی) نے اس خبر کی تصدیق کی ہے۔

وہ تین کھلاڑی حیدر علی، حارث رؤف اور شاداب خان ہیں جو اس مہلک وائرس سے متاثر پائے گئے ہیں۔

بتا دیں کہ ان کھلاڑیوں کا اتوار کے روز راولپنڈی میں ٹیسٹ کیا گیا تھا۔ تینوں کھلاڑی پی سی بی کی 29 رکنی ٹیم کا حصہ تھے جسے دورہ انگلینڈ کے لیے جانا تھا۔

پاکستان کو اگست اور ستمبر میں انگلینڈ میں تین ٹیسٹ اور تین ٹی-20 میچ کھیلنا ہے۔