انڈر۔23 کرکٹڑچیتن راٹوری پر دوسال کی پابندی

بی سی سی آئی نے جعلی دستاویزات پیش کرنے کے الزام میں انڈر23 کرکٹر چیتن راٹوری پر دوسال کی پابندی عائد کردی ہے۔ بی سی سی آئی کے زیراہتمام کسی بھی ٹورنامنٹ میں اب چیتن راٹوری شرکت نہیں کرسکیں گے۔

بھارتی کرکٹ بورڈ نے جعلی دستاویزات پیش کرنے کے الزام میں اتراکھنڈ کے اندار۔23 کرکٹڑ چیتن راٹوری کے خلاف سخت کارروائی کرتے ہوئے انہیں دوسال کے لیے گھریلوکرکٹ مقابلے سے معطل کردیا ہے۔

بی سی سی آئی ذرائع کے مطابق اتراکھنڈ کے کرکٹرچیتن راٹوری نے ریاستی کرکٹ ایسوسی ایشن کو جعلی دستاویزات پیش کیے تھے۔ ان کے خلاف جعلی دستاویزات پیش کرنے کی شکایت درج کرائی گئی تھی۔

انہوں نے کہاکہ شکایت موصول ہونے کے بعد بی سی سی آ ئی کی ایک کمیٹی نے پورے کیس کی تفتیش کی۔ کمیٹی نے تفتیش کے دوران چیتن راٹوری کو جعلی دستاویزات پیش کرنے کا قصوروار پایا۔

کمیٹی نے کی رپورٹ پر بی سی سی آ ئی نے سخت کارروائی کرتے ہوئے چیتن راٹوری پر دوبرس کے لیے گھریلو کرکٹ کھیلنے پر پابندی عائد کردی ہے۔

بی سی سی آ ئی کے فیصلے کے بعد چیتن راٹوری اب بی سی سی آ ئی کے زیر اہتمام کسی بھی کرکٹ ٹورنامنٹ میں شرکت نہیں کرسکیں گے۔

واضح رہے کہ بی سی سی آ ئی کی جانب نے اس قبل جعلی دستاویزات پیش کرنے کے الزام میں دوکھلاڑیوں پرپابندی عائد کرچکی ہے۔