بی سی سی آئی کا ٹیم انڈیا کو پانچ کروڑ کا انعام

آسٹریلیا میں چار ٹیسٹ میچوں کی سیریز دو ایک سے جیتنے والی ٹیم انڈیا کو بی سی سی آئی کے سکریٹری جے شاہ نے ٹیم انڈیا کو پانچ کروڑ روپئے بونس دینے کا اعلان کیا ہے۔

بھارت نے آسٹریلیا کو برسبین کے گابا اسٹیڈیم میں تین وکٹ سے شکست دے کر سیریز دو ایک سے جیت لی، جس کے بعد بی سی سی آئی کے سکریٹری جے شاہ نے ٹیم انڈیا کو پانچ کروڑ روپئے بونس دینے کا اعلان کرتے ہوئے کہا کہ ہندوستانی کرکٹ کے لیے یہ خاص لمحہ ہے۔ انہوں نے کہا کہ ٹیم نے بہترین صلاحیت کے ساتھ جیتنے کا زبردست جذبہ دکھایا۔

بھارت نے گابا انٹرنیشنل اسٹیڈیم میں کھیلے گئے چوتھے ٹیسٹ میچ کے پانچویں اور آخری روز آسٹریلیائی ٹیم کے 328 رنز کے ہدف کا تعاقب کرتے ہوئے 7 وکٹیں گنوا کر 329 رنز بنا کر یہ میچ جیت لیا۔

بھارت کی گابا اسٹیڈیم میں سات ٹیسٹ میچوں میں یہ پہلی جیت ہے۔ بھارت نے اس میدان پر اپنے گزشتہ 6 ٹیسٹ میچوں میں پانچ ہارے تھے اور ایک ڈرا کھیلا تھا۔

آسٹریلیا کی اس تاریخی جیت کے تین بڑے ہیرو رہے۔ شبھمن گل، چیتیشور پجارا اور رشبھ پنت نے میچ کے آخری دن ایسی بلے بازی کی جسے طویل عرصے تک یاد رکھا جائے گا۔

شبھمن نے 146 گیندوں میں 8 چوکے اور 2 چھکوں کی مدد سے 91 رنز کی بہترین اننگ کھیل کر ٹیم کی جیت کی بنیاد رکھی۔ پجارا نے 211 گیندوں میں 7 چوکوں کی مدد سے 56 رنز بنائے۔ پجارا کی اس اننگز نے ٹیم انڈیا کو مضبوطی فراہم کی جبکہ رشبھ پنت نے 138 گیندوں میں 9 چوکے اور ایک چھکے کی مدد سے 89 رن بنا کر ٹیم کو جیت سے ہمکنار کرایا۔

بھارت نے 1۔2 کی فتح کے ساتھ آسٹریلیائی دورے کا خاتمہ کیا۔ اس دورے میں یک روزہ سیریز پر آسٹریلیا نے 1-2 سے قبضہ کیا تھا جبکہ ٹی 20 سیریز بھارت نے جیتی تھی۔