مزید دو بنگلہ دیشی کرکٹر کورونا کا شکار

بنگلہ دیش کرکٹ ٹیم کے کپتان مشرف مرتضیٰ کے بعد مزید دو کرکٹرز ناظم الحسن اور اوپننگ بلے باز نفیس اقبال بھی کورونا وائرس متاثر پائے گئے، دونوں کرکٹرز نے خود کو کوارنٹائن کرلیا ہے۔

گزشتہ روز قومی کرکٹ ٹیم کے کپتان مشرف مرتضیٰ کے کورونا وائرس سے متاثر ہونے کے بعد اب ناظم الحسن اور نفیس اقبال بھی کورونا وائرس کی زد میں آ گئے ہیں۔

تفصیلات کے مطابق بنگلہ دیش کے تین کرکٹرز میں مہلک کورونا وائرس کی تشخیص ہوئی ہے۔

بتایا گیا کہ ناظم الحسن اور اوپننگ بلے باز نفیس اقبال کے کورونا ٹیسٹ کی رپورٹ مثبت آئی ہے۔ دونوں کرکٹرز نے مہلک وبا کی تشخیص کے بعد خود کو کوارنٹائن کر لیا ہے۔

اس سے قبل بنگلہ دیش کرکٹ ٹیم کے کپتان مشرف مرتضی کا کورونا ٹیسٹ بھی مثبت آیا تھا۔

بنگلہ دیش میڈیا کے مطابق بنگلہ دیش میں کورونا وائرس کے پہلے تین معاملوں کی تصدیق مارچ کے مہنے میں ہوئی تھی۔ اس کے بعد سے اب تک وہاں 88 ہزار سے زائد شہری اس مہلک وائرس سے متاثر ہو چکے ہیں جب کہ اس وائرس سے 1100 سے زائد افراد ہلاک ہوچکے ہیں۔