عالمی کپ سے قبل انگلینڈ کی ٹیم کو جھٹکا

عالمی کپ سے قبل تقریباً تمام ہی ٹیمیں اپنے کھلاڑیوں کے زخمی ہونے کی وجہ سے پریشان ہیں اب اس میں میزبان انگلینڈ ٹیم کے کپتان ایون مورگن کا نام بھی شامل ہو گیا ہے۔

دراصل گزشتہ روز پریکٹس کے دوران ایون مورگن کو بائیں ہاتھ کی انگلی میں چوٹ لگ گئی جس کی وجہ سے آج آسٹریلیا کے خلاف وارم اپ میچ میں ان کا کھیلنا مشکوک ہو گیا ہے۔

مورگن کو ایکس رے کے لیے ہسپتال بھیجا گیا ہے اور حتمی رپورٹ آنے کے بعد ہی فیصلہ کیا جائے کہ انہیں کتنے دنوں تک آرام کرنا ہے۔

اس بارے میں مورگن نے کہا کہ مجھے انگلی میں چھوٹا سا فریکچر ہوا ہے لیکن میں میدان میں اترنے کے لیے تیار ہوں لیکن ساتھ ہی یہ بھی کہا کہ میں بدقسمتی سے آسٹریلیا کے خلاف ہونے والا میچ نہیں کھیل سکوں گا۔

واضح رہے کہ عالمی کپ کا پہلا میچ انگلینڈ اور جنوبی افریقہ کے مابین ہوگا۔