بال ٹیمپرنگ کی وجہ سے ایک برس کی پابندی کے بعد آسٹریلیائی کرکٹ ٹیم کے سابق کپتان استیو اسمتھ نے انگلینڈ کے خلاف جاری ایشیز سیریز میں اب تک بہترین کارکردگی کا مظاہرہ کیا اور سیریز میں اب تک 110 کے اوسط سے 774 رن بنا چکے ہیں جس میں تین سنچری اور تین نصف سنچری شامل ہے۔
اسٹیو اسمتھ نے سنہ 15-2014 بھارت کے خلاف بارڈر -گواسکر ٹرافی میں 769 رن بنانے کا اپنا ریکارڈ توڑ دیا۔
اسمتھ رواں ایشیز سیریز میں 774 رنز بنا کر بھارت کے عظیم بلے باز سنیل گواسکر کی برابری کر لی جنہوں نے سنہ 1971 میں ویسٹ انڈیز کے خلاف سیریز میں 774 رنز بنائے تھے۔
دلچسپ بات یہ ہے کہ اسمتھ اور گواسکر نے چار چار ٹسٹ میچوں میں 774 رن بنائے۔
سابق آسٹریلوی کپتان اسمتھ نے اس سیریز میں اب تک بہترین کارکردگی کا مظاہرہ کیا ہے، وہ صرف آخری ٹیسٹ کی دوسری اننگز میں 23 رنز بنا کر آؤٹ ہوئے جبکہ اس سے قبل انہوں نے 144، 142، 92، 211، 82 اور 80 رنز بنائے تھے۔
اس کے علاوہ اسمتھ 7000 ٹیسٹ رنز مکمل کرنے سے محض 27 رنز دور ہیں، انہوں نے 68 ٹیسٹ میچوں میں 6973 بنائے ہیں۔
ایک ٹیسٹ سیریز میں سب سے زیادہ رن بنانے کے معاملے میں اسمتھ اب مشترکہ طور پر 12 ویں مقام پر پہنچ گئے ہیں جبکہ ایشیز سیریز میں سب سے زیادہ رنز بنانے کے معاملے میں وہ پانچویں نمبر پر ہیں۔
ایشیز سیریز میں اب تک ڈان بریڈمین نے سنہ 1930 میں 974 رنز، والی ہیمنڈ نے سنہ 29-1928 میں 905 رنز، مارک ٹیلر نے سنہ 1989 میں 839 رنز اور ڈان بریڈمین نے سنہ 37-1936 میں 810 رنز بنائے تھے۔
