افغانستان نے بنگلہ دیش کو 25 رنوں سے شکست دی

محمد نبی کی شاندار نصف سنچری اور مجیب الرحمن کی خطرناک گیند بازی کی وجہ سے افغانستان نے بنگلہ دیش کو سہ رخی سیریز کے تیسرے میچ میں 25 رنوں سے شکست دے کر اس سیریز میں اپنی دوسری فتح درج کرلی ہے۔

محمد نبی ناٹ آؤٹ 84 رن کی شاندار نصف سنچری اور مجیب الرحمن 15 رن پر چار وکٹ کی خطرناک گیند بازی کی بدولت افغانستان نے بنگلہ دیش کو سہ رخی سیریز کے تیسرے میچ میں 25 رنوں سے شکست دے کر اس سیریز میں اپنی دوسری فتح درج کرلی۔

افغانستان نے ٹاس جیت کر پہلے بلے بازی کرتے ہوئے نبی کی بہترین نصف سنچری کی بدولت 20 اوروں میں چھ وکٹوں پر 164 رن بنائے۔ نبی نے 54 گیندوں میں تین چوکے اور سات چھکے کی مد سے 84 رنز بنائے تھے۔

ہدف کا تعاقب کرنے اتری میزبان بنگلہ دیش کی ٹیم 19.5 اوروں میں محض 139 رنوں پر ہی آل آوٹ ہوگئی۔ نبی کو ان کی شاندار اننگز کے لیے پلیئر آف دی میچ منتخب کیا گیا۔

پہلے بلے بازی کرنے اتری افغانستان کی شروعات انتہائی خراب رہی اور اس کے چار وکٹ محض 40 رن پر ہی گر گئے تھے اس کے بعد اصغر افغان اور نبی نے پانچویں وکٹ کے لیے 79 رنوں کی مضبوط شراکت داری کرتے ہوئے اپنی ٹیم کی اننگز کو سنبھالا۔

افغانستان کی جانب سے نبی کے علاوہ اصغر نے 37 گیندوں میں تین چوکوں اور دو چھکے کی مدد سے 40 رن، نجیب تاراكئي نے 11 اور نجیب اللہ جادران نے پانچ رن بنائے۔

بنگلہ دیش کی جانب سے محمد سیف الدین نے 33 رن دے کر چار وکٹ اور کپتان شکیب الحسن نے 18 رن پر دو وکٹ حاصل کیے۔

بنگلہ دیش کی اننگز میں محموداللہ نے 39 گیندوں میں پانچ چوکوں کی مدد سے سب سے زیادہ 44 رن، شبير رحمان نے 24، عفیف حسین نے 16، شکیب نے 15 اور مستفیض الرحمن نے 15 رن بنائے۔

افغانستان کی جانب سے رحمان نے 15 رن دے کر چار وکٹ لیے جبکہ فرید ملک، راشد خان اور گلبدين نائب نے دو دو وکٹ حاصل کیے۔