Ricky Ponting opines on Virat Kohli وارٹ کوہلی چیمپئن ہیں، چیمپئن اپنی منزل کا تعین خود کرتے ہیں

وراٹ کوہلی نے بھلے ہی ٹی ٹوئنٹی اور ون ڈے فارمیٹ میں سنچری بنا کر اپنے فارم میں واپسی کا اشارہ دے دیا ہو، لیکن وہ نومبر 2019 سے ٹیسٹ فارمیٹ میں اب تک سنچری بنانے میں ناکام رہے ہیں۔

دبئی:بھارتی ٹیم کے اسٹار بلے باز وراٹ کوہلی بارڈر گواسکر ٹرافی 2023 میں اب تک کوئی بڑا اسکور نہیں کیے ہیں۔ حالانکہ کوہلی اس سیریز میں اعتماد کے ساتھ کھیلتے ہوئے نظر آئے، لیکن اب تک وہ ٹیم کے لیے ایسی اننگز نہیں کھیل سکے جس سے میچ کے رجحان تبدیل ہوگئے ہوں، جب کہ ان سے ایسی اننگز کی امید کی جارہی تھی۔ وہیں آسٹریلیا کے سابق کپتان رکی پونٹنگ وراٹ کی فارم سے پریشان نہیں ہیں۔ انہوں نے کہاکہ وہ ایک چیمپئن کھلاڑی ہیں اور چیمپئن اپنا راستہ خود تلاش کرلیتے ہیں۔

بتادیں کہ وراٹ کوہلی تقریباً 39 ماہ سے ٹیسٹ فارمیٹ میں سنچری اسکور نہیں کیے ہیں۔ انہوں نے آخری ٹیسٹ میں سنچری نومبر 2019 میں بنائی تھی۔ گزشتہ سال ستمبر تک وراٹ کوہلی تینوں فارمیٹس میں سنچری کے لیے ترستے ہوئے نظر آئے، لیکن پھر انھوں نے ایشیا کپ میں افغانستان کے خلاف ٹی ٹوئنٹی فارمیٹ میں پہلی سنچری بنا کر اپنی سنچری کا خشکی ختم کی، اس کے بعد انہوں نے بنگلہ دیش کے خلاف ون ڈے فارمیٹ میں بھی سنچری اسکور کرنے میں کامیاب رہے۔

وراٹ کے فارم میں آنے کے بعد ان سے ٹیسٹ فارمیٹ میں بھی ایسی ہی مضبوط اننگز کی امید کی جارہی تھی، لیکن بارڈر گواسکر ٹرافی میں وہ 3 ٹیسٹ کھیلنے کے بعد صرف 111 رنز ہی بنا پائے ہیں۔ آسٹریلیا کے سابق کپتان رکی پونٹنگ اس سے پریشان نہیں ہیں، انہوں نے کہاکہ چیمپئن کھلاڑی ہمیشہ واپسی کا راستہ تلاش کرلیتے ہیں۔

پونٹنگ وراٹ کوہلی کی فارم پر بات کرتے ہوئے کہا کہ انہوں نے بارہا کہا ہے کہ چیمپئن کھلاڑی ہمیشہ واپسی کا راستہ تلاش کرلیتے ہیں، اگرچہ اس وقت انہیں مشکلات کا سامنا ہے۔ وہ فی الحال ہماری توقعات کے مطابق رنز نہیں بنا رہے ہیں، لیکن وہ اپنے بارے میں پوری طرح باخبر ہے۔ میں اس کے بارے میں فکر مند نہیں ہوں، کیونکہ مجھے پورا یقین ہے کہ وہ واپسی کریں گے۔ اس وقت بھارت کی اسپن پچوں پر تمام سبھی باز جدوجہد کر رہے ہیں۔ اس سیریز کی سب سے بڑی بات یہ ہے کہ اسپن کے سامنے بلے باز بے بس نظر آرہے ہیں۔ پونٹنگ نے کہا کہ 'میں اس سیریز میں کسی کی فارم کو نہیں دیکھ رہا ہوں کیونکہ ایسی اسپن کنڈیشنز میں کھیلنا بلے بازوں کے لیے ڈراؤنا خواب ہے۔'

انھوں نے کہاکہ 'ہم سب جانتے ہیں کہ یہاں بیٹنگ کرنا بہت مشکل ہے۔ اور یہ صرف ٹرن کی وجہ سے نہیں ہوتا، بلکہ پچ پر ناہموار باؤنس کی وجہ سے بھی ہوتا ہے، جس کی وجہ سے بلے باز پچ سے اعتماد کھو بیٹھتا ہے اور جب ایسا ہوتا ہے تو آپ ہمیشہ سوچتے ہیں کہ گیند کہاں سے اچھالنے والی ہے یا سیٹل ہونے والی ہے جو بیٹنگ کو مزید مشکل بنا دیتا ہے۔