لاہور:پاکستان کرکٹ بورڈ کے 27 جون کو ہونے والے انتخابات روکنے کے لیے درخواست دائر کی گئی ہے جس پر عدالت میں سماعت ہوئی، جسٹس ساجد محمود سیٹھی کی جانب سے درخواست چیف جسٹس کو واپس ارسال کر دی گئی ہے۔ درخواست سماعت کے لیے جسٹس تنویر سلطان کو بھجوانے کی سفارش کر دی گئی، درخواست میں موقف اختیار کیا گیا ہے کہ پاکستان کرکٹ بورڈ کے زونل انتخابات ہونے جارہے ہیں، عدالت شفاف انتخابات کرانے کے احکامات صادر کرے۔
یہ بھی پڑھیں:World Cup Qualifiers 2023 سری لنکا آئرلینڈ کو شکست دے کر سپر سِکس میں پہنچ گیا
درخواست میں استدعا کی گئی ہے کہ عدالت چیئرمین پی سی بی کے انتخاب کو روکنے کا حکم دے، درخواست میں کہا گیا کہ معزز عدالت پاکستان کرکٹ بورڈ کے زونل انتخابات کے نتائج کو عدالتی فیصلے تک روکنے کا آرڈر دے۔ اس کو لے کر پاکستان کرکٹ بورڈ میں نیا تنازع کھڑا ہو گیا ہے۔